اہم خبریں : بنگال بی جے پی سربراہ دلیپ گھوش پر الیکشن کمیشن نے لگائی 24 گھنٹے کی پابندی

مغربی بنگال بی جے پی کے سربراہ دلیپ گھوش پر الیکشن کمیشن نے سخت کارروائی کرتے ہوئے 24 گھنٹے کے لیے انتخابی تشہیر پر پابندی عائد کردی ہے۔ دلیپ گھوش کو انتخابی ضابطہ اخلاق کی خلاف ورزی کرنے پر یہ سزا سنائی گئی ہے۔ اب وہ 15 اپریل کی شام 7 بجے سے 16 اپریل کی شام 7 بجے تک کسی بھی انتخابی تشہیر میں حصہ نہیں لے پائیں گے۔

اتر پردیش کے مہاراج گنج ضلع میں محکمہ صحت کی ایک بڑی لاپروائی سامنے آئی ہے۔ خبروں کے مطابق سی ڈی او کے گاڑی ڈرائیور کو کورونا کا ٹیکہ لگایا گیا جس میں پہلی خوراک اسے ’کوویکسن‘ کی دی گئی، لیکن دوسری خوراک ’کووی شیلڈ‘ کی لگا دی گئی۔ یہاں قابل ذکر ہے کہ کورونا کا ٹیکہ تبھی کامیاب ہوگا جب دونوں خوراک ایک ہی کمپنی کا ٹیکہ ہو۔