اہم خبریں: سشانت خودکشی معاملے میں سنجے لِیلا بھنسالی سے ممبئی پولیس کرے گی پوچھ گچھ

نہرو پلیس: ایشیاء کی سب سے بڑی کمپیوٹر اور الیکٹرانک مارکیٹ کے دکاندار 'بائیکاٹ چین' کی وجہ سے کاروبار پر پڑنے والے خراب اثرات سے پریشان ہیں۔ مارکیٹ ایسوسی ایشن کے صدر نے بتایا کہ "ہمارے یہاں 90 فیصد سامان چین سے درآمد کیا جاتا ہے اور صرف 10 فیصد سامان ہندوستان میں بنایا جاتا ہے۔ چین کی قیمتیں دوسرے ممالک کے مقابلے میں سستی ہیں۔"

ممبئی: ممبئی پولیس نے بالی ووڈ کے معروف ڈائریکٹر اور پروڈیوسر سنجے لیلا بھنسالی کو سشانت سنگھ راج پوت خودکشی معاملے میں یش راج فلمس کے کاسٹنگ ڈائریکٹر شانو شرما کے ساتھ پوچھ گچھ کے لئے سمن بھیجا ہے۔ شانو شرما کو دوسری مرتبہ پوچھ گچھ کےلئے بلایا جارہا ہے۔ اس سے قبل 28 جون کو پہلی مرتبہ ان سے پوچھ گچھ کی گئی تھی۔ باندرا پولیس کے مطابق بھنسانی کو ایک سمن بھیجا گیا ہے جس میں انہیں شانو شرما کے ساتھ آئندہ کچھ روز میں تھانے میں پیش ہونے کے لئے کہا گیا ہے۔ ممبئی پولیس اس معاملے میں اب تک 30 سے زائد افراد سے پوچھ گچھ کرچکی ہے۔

مزارشریف: افغانستان کے صوبہ بلخ کے شہر مزارشریف میں دو بم پھٹنے سے دو افراد ہلاک اور آٹھ دیگر زخمی ہوگئے۔ صوبائی پولیس کے ترجمان عادل شاہ عادل نے جمعرات کو یہ اطلاع دی۔ عادل نے بتایا، ”مزار شریف کے پی ڈی 3 میں بدھ کے روز رات 9 بج کر30 منٹ پر آدھے گھنٹے کے اندر دو بم دھماکے ہوئے جس میں ایک شہری موقع پر ہی دم توڑ گیا۔“ عہدیدار کے مطابق پہلے دھماکے میں ایک ٹیکسی ڈرائیور زخمی ہوا، جب کہ دوسرے میں ایک شہری ہلاک اور پی ڈی 3 ایس ایچ او اور پانچ پولیس اہلکاروں سمیت آٹھ افراد زخمی ہوگئے۔ پہلے دھماکے کے بعد پولیس اور مقامی افراد امدادی کاموں کے لئے موقع پر پہنچے تھے کہ دوسرا دھماکہ ہوا۔ اس معاملے کی تفتیش جاری ہے۔ مزار شریف صوبہ بلخ کی راجدھانی ہے جو شمالی کابل سے تقریبا 350 کلومیٹر دور ہے۔ یہ افغانستان کے تشدد سے متاثرہ علاقوں میں سب سے محفوظ شہر سمجھا جاتا ہے۔

نئی دہلی: کورونا وائرس کووڈ۔19کے خلاف جنگ کو مضبوطی فراہم کرنے کے مقصد سے مرکزی حکومت نے نیا فیصلہ کرتے ہوئے پرائیویٹ ڈاکٹروں کو بھی اس کے ٹیسٹ کے لئے پرچی لکھنے کی اجازت دے دی ہے۔ اب تک صرف سرکاری ڈاکٹر ہی کووڈ۔19 کے ٹیسٹ کے لئے پرچی لکھ سکتے تھے۔ صحت اور خاندانی فلاح و بہبود کی وزارت نے جمعرات کو بتایا کہ جانچ کی پرچی اب کو ئی بھی رجسٹرڈ ڈاکٹر لکھ سکتے ہیں۔ سرکاری ڈاکٹروں کی پرچی پر ہی کورونا ٹیسٹ کی لازمیت اب ختم کردی گئی ہے۔ مرکز نے کہا کہ اس سلسلہ میں تمام ریاستوں اور مرکز کے زیرانتظام ریاستوں کو ہدایات جاری کردی گئی ہیں کہ کورونا کی علامات والے کسی بھی شخص کو اب ہر رجسٹرڈ ڈاکٹر کورونا ٹیسٹ کے لئے لکھ سکتے ہیں۔

اس کے علاوہ جانچ کرنے میں آنے والے مسائل کو حل کرنے کے لئے کئی نئے اقدامات کیے گئے ہیں۔ کورونا انفیکشن کی روک تھام اور علاج کے لئے ’ٹیسٹ ٹریک ٹریٹ’ کی حکمت عملی پر زور دیتے ہوئے مرکزی حکومت نے ریاستوں اور مرکز کے زیرانتظام ریاستوں کو صلاح دی ہے کہ وہ اپنی ریاست کے تمام لیبوں کی افادیت کو یقینی بنائیں، خاص طور پر پرائیویٹ لیب کی تاکہ زیادہ سے زیادہ لوگوں کو اس کا فائدہ مل سکے۔

ہری دوار: کرونا وائرس کے سبب تمام مٹھ، مندروں کو عقیدت مندوں کے لئے بند کر دیئے گئے تھے۔ لیکن اب مرکزی حکومت کی ہدایات پر عمل کرتے ہوئے اتراکھنڈ حکومت نے مٹھوں اور مندروں کو ایک بار پھر کھول دیا ہے۔ جس سے وہاں کے عقیدت مند خوش نظر آئے اور انہوں نے مندروں میں جا کر پوجا اور عقیدت کے پھول چڑھائے۔

حیدرآباد: تلنگانہ کے وزیر آبکاری وی سرینواس گوڑ نے کہا ہے کہ ریاست میں شراب کی دکانات 9.30 بجے شب تک کھلی رہیں گی۔ انہوں نے کہا کہ محکمہ آبکاری ونشہ بندی نے ریاست کی دکانات کو 9.30 بجے شب تک شراب فروخت کرنے کی اجازت دی ہے۔ یہ فیصلہ، دکانات اور تجارتی اداروں کے کام کرنے سے متعلق مرکزی حکومت کے نئے قواعد کے بعد ریاستی حکومت نے کیا ہے۔ انہوں نے دیسی ساختہ شراب تیار کرنے والوں کو انتباہ دیا کہ ان کے خلاف پی ڈی ایکٹ کے تحت معاملہ درج کیا جائے گا۔ انہوں نے کہا کہ وزیر اعلی کے چندر شیکھرراو کی زیرقیادت حکومت نے ریاست کو شراب سے پاک بنانے کے اقدامات کیے ہیں۔

اتراکھنڈ: ایس پی چمپاوت، لوکیشور سنگھ نے کیا کہ چمپاوت پولیس نے تین افراد کو گرفتار کیا ہے۔ ان کے پاس سے 4 لاکھ روپے مالیت کی جعلی کرنسی برآمد ہوئی ہے اور ان کے پاس سے جعلی نوٹ بنانے کا سامان بھی ملا ہے۔ ان لوگوں کے خلاف مقدمہ آئی پی سی کی دفعہ 489 اے سی ڈی کے تحت درج کیا گیا ہے۔

دہلی کے وزیر اعلی اروند کیجریوال نے کہا کہ ابھی تک پلازمہ تھیرپی کے جو نتائج آئیں ہیں وہ اطمیان بخش اور مددگار ہیں، اس سے لوگوں کی جان بچانے میں کافی مدد ملے گی، انسٹی ٹیوٹ آف لیور اینڈ بلیری سائنسز میں ایک پلازمہ بینک شروع کیا گیا ہے۔ یہ تب ہی کامیاب ہوگا جب زیادہ سے زیادہ لوگ پلازمہ عطیہ کریں گے۔

کرناٹک: ڈی کے شیوکمار نے بنگلورو میں آج کرناٹک پردیش کانگریس کمیٹی کے صدر کا عہدہ سنبھال لیا ہے۔

وزیر دفاع راج ناتھ سنگھ کا مجوزہ دورہ لداخ منسوخ کردیا گیا۔ راج ناتھ سنگھ کل جمعہ کے روز لداخ کا دورہ کرنے والے تھے۔ ان کے دورہ کو اب دوبارہ شیڈول کیا جا رہا ہے۔

لداخ کے شمال مغرب میں کارگل کے شمال مغرب میں 119 کلومیٹر دور آج صبح 13 بجکر 11 منٹ پر ریکٹر اسکیل 4.5 اعشاریہ شدت کا زلزلہ محسوس کیا گیا۔ ابھی تک کسی ظرح کے نقصان کی خبر نہیں ہے۔

ویسے تو کورونا وبا کی وجہ سے لوگ بلاوجہ گھروں سے باہر نکلنا پسند نہیں کر رہے ہیں، لیکن ضروری کام سے نکلنے والوں کو دہلی میں شدید گرمی کا سامنا کرنا پڑ رہا ہے۔ آئی ایم ڈی کے سینئر سائنسداں راجندر کمار جینامنی کا کہنا ہے کہ دہلی میں ابھی تین یا چار دن مزید گرمی رہے گی، یعنی 4 یا 5 جولائی کو ہلکی بارش ہوگی۔

دہلی کے وزیر اعلیٰ اروند کیجریوال نے کہا، ’’ابھی تک لوگوں کو پلازمہ لینے میں دقت پیش آ رہی تھی۔ اب پلازمہ بینک بن جانے سے امید کرتے ہیں کہ لوگوں کی دقتیں کم ہوں گی۔ لیکن یہ پلازمہ تبھی کامیاب ہو پائے گا جب لوگ آگے آکر پلازمہ ڈونیٹ کریں گے۔ جو لوگ کورونا سے ٹھیک ہو چکے ہیں وہ آگے آئیں اور پلازمہ ڈونیٹ کریں۔

وزیر اعلیٰ نے کہا، ’’پلازمہ ڈونیٹ وہی لوگ کر ستے ہیں جو کورونا سے صحتیاب ہو چکے ہیں اور جن کی عمر 18 سے 60 سال کے بیچ ہے اور وزن 50 کلو سے کم نہ ہو۔ لیکن جو خواتین ایک بار بھی حاملہ ہوئی ہوں اور کو لوگ شدید بیمار ہیں وہ پلازمہ ڈونیٹ نہیں کر سکتے۔‘‘

بہار میں بھی کورونا کا قہر دھیرے دھیرے بڑھتا جا رہا ہے۔ ریاست میں لگاتار کورونا کے کیس بڑھ رہے ہیں اور متاثرین کی تعداد 10 ہزار سے تجاوز کر گئی ہے۔ تازہ ترین خبروں کے مطابق بہار میں کورونا کے 188 نئے معاملے سامنے آئے ہیں جس کے بعد مجموعی طور پر کورونا متاثرین کی تعداد ریاست میں بڑھ کر 10393 ہو گئی ہے۔

رانچی میں ’کول انڈیا‘ کے مزدوروں نے کول کمپنی کو پرائیویٹ ہاتھوں میں دیے جانے کے خلاف آج سے 3 روزہ ہڑتال کا اعلان کر دیا ہے۔ ایک ہڑتالی نے میڈیا سے کہا کہ ”ہمارے سابق پی ایم نے کول انڈیا کو نیشنلائزڈ کیا لیکن مرکزی حکومت کمپنی کو پرائیویٹائز کرنا چاہتی ہے۔ سبھی مزدوروں کا مطالبہ ہے کہ یہ فیصلہ واپس لیا جائے۔“

ہندوستان میں ایک بار پھر 24 گھنٹوں کے اندر 19 ہزار سے زائد کورونا کے نئے معاملے درج کیے گئے ہیں اور اس کے ساتھ ہی مجموعی کورونا متاثرین کی تعداد ملک میں 6 لاکھ کے پار چلی گئی ہے۔ جاری کردہ تازہ اعداد و شمار کے مطابق گزشتہ 24 گھنٹے میں 434 اموات اور 19148 نئے معاملے سامنے آئے ہیں۔ ہندوستان میں پازیٹو معاملوں کی کل تعداد 604641 ہو گئی ہے جب کہ مجموعی اموات کی تعداد 17834 تک پہنچ گئی ہے۔

مہاراشٹر میں کورونا کے پھیلتے اثرات کے درمیان پولس نے لاک ڈاؤن میں سختی کا مظاہرہ بھی کیا ہے۔ ممبئی پولس کا کہنا ہے کہ گزشتہ 2 دنوں میں لاک ڈاؤن کے قوانین کی خلاف ورزی کرنے پر 5800 سے زائد گاڑیوں کو ضبط کیا گیا ہے۔ 30 جون کو 3508 گاڑیوں کو ضبط کیا گیا اور یکم جولائی کو 2369 گاڑیاں ضبط ہوئیں۔

امریکہ میں کورونا کا قہر دن بہ دن بڑھتا ہی جا رہا ہے۔ لاکھ کوششوں کے بعد بھی نئے کیسز ملنے کا سلسلہ تھمنے کی جگہ مزید بڑھ رہا ہے اور تازہ ترین خبروں کے مطابق گزشتہ 24 گھنٹوں کے دوران 52 ہزار نئے کیسز درج کیے گئے ہیں جو کہ ایک دن میں اب تک درج سب سے زیادہ کیسز ہیں۔

اترپردیش کے ضلع بستی میں بدھ کو آسمانی بجلی کی زد میں آنے سے ایک خاتون کی موت ہوگئی جبکہ دیگر دو افراد زخمی ہوگئے۔
پولیس ذرائع نے یہاں بتایا کہ دبولی علاقے کے دھرم نگر گاؤں میں عظمت علی اپنی بیوی فاطمہ بانو اور بیٹے دلشاد کے ساتھ کھیت میں مویشی چرانے جارہے تھے۔ اس درمیان آسمانی بجلی گری اوراس کی زد میں آنے سے فاطمہ(35کی موت ہوگئی جبکہ عظمت علی اور دلشاد جھلس کر زخمی ہوگئے۔زخمیوں کو علاج کے لئے پرائمری ہیلتھ سنٹر دبولی میں داخل کرایا گیا ہے۔ لاش کو پوسٹ مارٹم کے لئے بھیج دیا گیا ہے۔