سری لنکا میں آٹھواں دھماکہ: سوشل میڈیا پر پابندی، رات کا کرفیو نافذ، اب تک 160 افراد ہلاک

صبح سے دھماکوں سے دہل رہے سری لنکا میں آٹھویں دھماکہ کی خبر ہے۔ یہ دھماکہ تین گرجا گھروں اور چار ہوٹلوں میں ہوئے ہیں، جن میں ہلاک ہونے والے افراد کی تعداد تقریباً 160 پہنچ گئی ہے جبکہ 400 افراد زخمی ہیں۔ یہ دھماکہ مسیحیوں کے اہم تہوار ایسٹر پر کئے گئے ہیں۔

دریں اثنا ملک بھر میں شام 6 بجے سے لے کر صبح 6 بجے تک کے لئے کرفیوں کا اعلان کر دیا گیا ہے۔ وہیں سوشل میڈیا سائٹوں پر بھی فوری طور پر پابندی لگا دی گئی ہے۔ سیکورٹی افسر نے کہا کہ انہیں شبہ ہے کہ دو چرچوں میں خود کش حملے کئے گئے ہیں۔

کولمبو سمیت سری لنکا کے کئی علاقوں میں ایسٹر کے دوران چرچوں اور ہوٹلوں پر ہوئے 6 بم دھماکوں میں جان گنوانے والے افراد کی تعداد 156 تک پہنچ گئی ہے، جبکہ 400 افراد زخمی ہوئے ہیں۔ ہلاک شدگان میں 35 غیر سری لنکائی شہری بھی شامل ہیں۔

کانگریس پارٹی کی طرف سے حملہ پر افسوس کا اظہار کیا گیا ہے۔

سری لنکا کے دارالحکومت کولمبو میں 3 کیتھولک چرچوں اور 3 پانچ ستارہ ہوٹلوں کو نشانہ بنا کر کیے گئے بم دھماکوں میں کم از کم 129 افراد کے مارے جانے کی اطلاعات ہیں، جبکہ سینکڑوں افراد زخمی ہوئے ہیں۔

ہندوستان، سری لنکا میں گرجا گھروں میں ایسٹر کے تہوار پر ہوئے بم دھماکوں کے بعد واقعہ پر گہری نظر رکھے ہوئے ہے اور ہندوستان کی جانب سے کسی بھی طرح کی مدد کے لئے ہیلپ لائن شروع کی ہے۔

وزیر خارجہ سشما سوراج نے یہاں ٹوئٹر پر کہا کہ وہ سری لنکا میں ہوئے بم دھماکوں کے سلسلہ میں کولمبو میں ہندوستان کے ہائی کمشنر سے مسلسل رابطے میں ہیں اور حکومت وہاں کی صورت حال پر گہری نظر رکھے ہوئے ہے۔

کولمبو اور بٹي كلووا میں ہوئے حملہ کے بعد ہندوستانی ہائی کمیشن نے ہیلپ لائن شروع کر دی ہے اور ہندوستان سے کسی بھی طرح کی معلومات یا مدد کے لئے ان نمبروں پر رابطہ کرنے کا مشورہ دیا ہے۔ یہ نمبر اس طرح ہیں:

• 94777903082 +
  94777902082 +
  94772234176 +
  94112422788 +
  94112422789 +

کولمبو: ایسٹر کے موقع پر سری لنکا کے دارالحکومت کولمبو میں اتوار کو تین کیتھولک چرچوں اور تین پانچ ستارہ ہوٹلوں کو نشانہ بنا کر کیے گئے بم دھماکوں میں کم از کم 50 افراد کے مارے جانے کی اطلاعات ہیں، جبکہ 250 افراد زخمی ہو گئے۔

'کولمبو ٹیلیگراف' کی رپورٹ کے مطابق صبح ساڑھے آٹھ بجے سے نو بجے کے درمیان کولمبو میں كوزی كنڈے سینٹ انتھونی چرچ، نگومبو سینٹ سیبسٹین چرچ اور بٹي كلووا کے ایک چرچ میں سلسلہ وار دھماکے ہوئے۔ اس کے علاوہ دارالحکومت کولمبو کے ہی تین پانچ ستارہ ہوٹل شنگریلا، سنامن گرینڈ اور كنگسبری میں بھی دھماکے ہوئے۔ زخمیوں کو قریبی اسپتالوں میں داخل کرایا گیا ہے۔

غیر ملکی خبر رساں ادارے کے مطابق سری لنکا کے چرچوں میں ایسٹر کے موقع پر ہونے والے سلسلہ وار دھماکوں میں ہلاک ہونے والوں کی تعادا 42 تک پہنچ گئی ہے۔

سری لنکا میں موجود ہندوستانی سفارت خانہ کی طرف سے سری لنکا میں مقیم ہندوستانی شہریوں کی خیریت معلوم کرنے کے لئے ہیلپ لائن نمبر شروع کئے گئے ہیں۔

ایسٹر کے موقع پر سری لنکا کے دارالحکومت کولمبو میں اتوار کو دو کیتھولک چرچوں میں ہو نے والے دھماکوں میں 25 افراد ہلاک ہو گئے جبکہ تقریباً 200 زخمی بتائے جا رہے ہیں۔ پولس ذرائع کے مطابق پہلا دھماکہ كوزی کڈے سینٹ انتھونی چرچ میں صبح آٹھ بج کر 45 منٹ پر ہوا۔ اس کے فوراً بعد دوسرا دھماکہ كٹوواپیٹيا سینٹ سیبسٹین چرچ میں ہوا۔

دھماکوں میں ہلاک ہونے والے افراد کی تعداد لگاتار بڑھ رہی ہے۔ سری لنکائی میڈیا کے مطابق تاحال 25 افراد کے ہلاک ہونے اور 200 سے زیادہ افراد کے زخمی ہونے کی طلاع ہے۔ ایسٹر سنڈے کے موقع پر دونوں ہی چرچ میں بڑی تعداد میں لوگ عبادت کے لئے جمع ہوئے تھے۔ پولس نے بتایا کہ کولمبو کے شنگریلا اور كنگسبري ہوٹل میں بھی دھماکے ہوئے ہیں۔ زخمیوں کو قریبی اسپتالوں میں داخل کرایا گیا ہے۔