اہم خبریں: ’شراب وہی افراد خرید سکیں گے جو کورونا کی دونوں خوراک لگوا چکے!‘

مدھیہ پردیش کے کھنڈوا میں ضلع ایکسائز آفیسر نے حکم جاری کرتے ہوئے کہا ہے کہ شراب صرف انہی افراد کو فروخت کی جائے جنہوں نے کورونا کی دونوں خوراکیں لگوا لی ہیں۔

وزیر اعلیٰ پنجاب چرنجیت سنگھ چنّی کی قیادت میں پنجاب کے وزرا اور دیگر افراد پر مشتمل ایک جتھہ پاکستان میں واقع گردوارا کرتار پور صاحب کے لئے روانہ ہوا۔

دہلی کے وزیر اعلیٰ اروند کیجریوال نے کہا، ’’جمنا کو اتنا زیادہ آلودہ ہونے میں 70 سال لگے ہیں، یہ 2 دن میں صاف نہیں ہو پائے گی۔ میں نے انتخابات میں لوگوں سے وعدہ کیا تھا کہ اگلے انتخابات تک جمنا صاف ہو جائے گی۔ ہم نے وار فوٹنگ کا کام شروع کر دیا ہے۔ اس کے لئے ہم نے 6 ایکشن پوائنٹس قائم کئے ہیں، میں ذاتی طور پر اس کام کی نگرانی کر رہا ہوں۔‘‘

وزیر دفاع راج ناتھ سنگھ لداخ کے لیہ پہنچ گئے ہیں۔ یہاں وہ ان ہندوستانی فوجیوں کو خراج تحسین پیش کرنے کے لیے ریزانگ لا جائیں گے، جنہوں نے 1962 میں جنگ لڑی تھی۔ ان فوجیوں کے لئے نئے سرے سے تیار کردہ جنگی یادگار کو وقف کیا گیا ہے۔