اہم خبریں: پٹرول 9.5 اور ڈیزل 7 روپے سستا، مرکز نے ایکسائز ڈیوٹی کم کرنے کا کیا اعلان

مرکزی حکومت نے ہفتہ عام لوگوں کو ایک بڑی راحت دیتے ہوئے پٹرول اور ڈیزل پر بالترتیب 8 روپے اور 6 روپے کی ایکسائز ڈیوٹی کم کر دی۔ اس کے بعد پٹرول کی قیمت میں 9 روپے 50 پیسے فی لیٹر اور ڈیزل کی قیمت میں 7 روپے فی لیٹر کمی ہوگی۔

ہریانہ کے فرید آباد میں بیٹری بنانے والی کمپنی میں آگ لگنے سے تین ملازمین ہلاک ہو گئے ہیں۔ فی الحال آگ پر قابو پالیا گیا ہے۔ پولس پورے معاملے کی جانچ کر رہی ہے۔

آسام میں سیلاب سے تباہی لگاتار جاری ہے اور حالات بدستور تشویشناک ہیں۔ ناگاؤں موریکولنگ، فوزداری پیٹی، اور ملان پور جیسے علاقے سیلاب کے پانی میں ڈوبے ہوئے ہیں اور دریائے کولونگ خطرے کی سطح سے اوپر بہہ رہا ہے۔

مرکزی وزارت صحت کے مطابق ہندوستان میں گزشتہ 24 گھنٹوں کے دوران کورونا وائرس کے 2323 نئے کیسز درج کئے گئے۔ اس دوران 2346 افراد نے شفایابی حاصل کر لی جبکہ 24 افراد کی جان چلی گئی۔ ملک میں اب کورونا وائرس کے 14996 کیسز فعال رہ گئے ہیں۔

ہندوستان کے سابق وزیر اعظم راجیو گاندھی کو آج ہی کے دن یعنی 21 مئی کو شہید کیا گیا تھا۔ راجیو گاندھی کی برسی کے موقع پر کانگریس کے سابق صدر اور راہل گاندھی نے اپنے والد کو یاد کیا ہے۔ انہوں نے ٹوئٹ کیا، ’’میرے والد ایک وزنری (خیال پرست) رہنما تھے، جن کی پالیسیوں نے جدید ہندوستان کی تشکیل میں مدد کی۔ وہ ایک ہمدرد اور مہربان آدمی تھے اور میرے اور پرینکا کے لیے ایک شاندار والد تھا، جنہوں نے ہمیں معافی اور ہمدردی کی قدر سکھائی۔ میں انہیں بہت یاد کرتا ہوں اور وہ وقت یاد کرتا ہوں جو ہم نے ساتھ گزارا تھا۔‘‘