اہم خبریں: اڈیشہ ریل حادثہ میں مہلوکین کی تعداد کو لے کر ممتا بنرجی اور اشونی ویشنو میں پریس کانفرنس کے دوران نااتفاقی

اڈیشہ میں ہوئے خوفناک ٹرین حادثہ کے بعد مغربی بنگال کی وزیر اعلیٰ ممتا بنرجی بھی جائے حادثہ پر پہنچیں اور حالات کا جائزہ لیا۔ انھوں نے مرکزی وزیر ریل اشونی ویشنو اور مرکزی وزیر تعلیم دھرمیندر پردھان کی موجودگی میں پریس کانفرنس کی۔ ممتا نے اس موقع پر 500 سے زیادہ اموات کا اندیشہ ظاہر کیا۔ حالانکہ ممتا کے دعویٰ پر فوراً وزیر ریل نے اعتراض ظاہر کیا اور کہا کہ مہلوکین کی آفیشیل تعداد سامنے ہے۔

وزیر اعظم نریندر مودی نے اڈیشہ کے بالاسور میں ہوئے ٹرین حادثہ والی جگہ پہنچ کر حالات کا جائزہ لیا۔ اس ٹرین حادثہ میں اب تک 261 افراد کی موت کی خبر سامنے آ چکی ہے اور تقریباً 1000 افراد زخمی ہیں جن میں سے کئی کی حالت سنگین بنی ہوئی ہے۔ جائے حادثہ کا معائنہ کرنے کے بعد پی ایم مودی نے اسپتال پہنچ کر زخمیوں کی عیادت بھی کی۔

اڈیشہ کے بالاسور میں ہونے والے ٹرین حادثہ کے بعد حالات کا جائزہ لینے کے لیے وزیر نریندر مودی کی صدارت میں ایک اعلیٰ سطحی اجلاس کا انعقاد کیا گیا۔

این سی پی لیڈر اور ایم پی سپریا سولے نے کہا کہ یہ بہت افسوسناک حادثہ ہے۔ میں ان لوگوں کو خراج تحسین پیش کرتی ہوں جنہیں ہم بچا نہیں سکے۔ میں حکام سے درخواست کروں گی کہ سب کو بچایا جائے اور حکومت حادثے کی وجوہات کی تحقیقات کے لیے ایک کمیٹی قائم کرے۔

اڈیشہ میں تین ٹرینوں کے تصادم سے اب تک 233 افراد کے ہلاک ہونے کی اطلاع ہے۔ دریں اثنا، ریلوے کے وزیر اشونی ویشنو اور اڈیشہ کے وزیر اعلیٰ نے جائے حادثہ کا دورہ کیا۔ راحت اور بچاؤ کا کام جاری ہے۔ این ڈی آر ایف، او ڈی آر ایف اور فائر بریگیڈ موقع پر موجود ہے۔