پاکستان سے واپس لوٹنے والے 80 سکھ زائرین کورونا پازیٹو

امرتسر: خالصہ فاؤنڈیشن ڈے (بیساکھی) کے موقع پر پاکستان جانے والے سکھ عقیدتمندوں کا جتھہ آج وطن واپس لوٹ آیا جس میں متعدد عقیدت مند کورونا وائرس سے متاثرپائے گئے ہیں۔ خالصہ ساجنا ڈے منانے کے لئے 12 اپریل کو تقریباً 800 عقیدتمند پاکستان گئے تھے جن میں شرومنی گرودوارہ پربندھک کمیٹی کی جانب سے 437 زائرین شامل تھے۔

بتایا جاتا ہے کہ عقیدتمندوں کے آج واپس لوٹنے پر واگھہ سرحد پر محکمہ صحت کے ذریعہ کی گئی جانچ میں 80 زائرین کورونا وائرس سے متاثر پائے گئے ہیں۔ بقیہ مسافروں کی جانچ ابھی جاری ہے۔ متاثرین کی تعداد میں مزیداضافہ ہوسکتا ہے۔ 80 سکھ زائرین کے کورونا پازیٹو ہونے کی خبر سے دیگر سکھ زائرین میں خوف کا ماحول دیکھنے کو مل رہا ہے۔