مہینے کی پہلی تاریخ کو ہی عوام کو لگا جھٹکا، ایل پی جی سلنڈر 43.50 روپے تک مہنگا

19 کلو گرام کے کمرشیل ایل پی جی سلنڈر کی قیمت میں اضافہ کے بعد دہلی میں اس کی قیمت 43.50 روپے بڑھ کر 1736.50 روپے ہو گئی، کولکاتا میں کمرشیل گیس سلنڈر کی قیمت میں 35 روپے کا اضافہ ہوا۔

ایل پی جی سلینڈر / آئی اے این ایس
ایل پی جی سلینڈر / آئی اے این ایس
user

قومی آوازبیورو

اکتوبر مہینہ شروع ہوتے ہی عوام کو مہنگائی کا زبردست جھٹکا لگا ہے۔ ایل پی جی سلنڈر کی قیمت میں 43.50 روپے تک کا اضافہ ہوا ہے۔ سرکاری آئل مارکیٹنگ کمپنیوں نے یکم اکتوبر سے ایل پی جی گیس سلنڈر کی قیمتوں میں اضافہ کر دیا ہے۔ انڈین آئل کارپوریشن نے 19 کلو گرام کمرشیل گیس سلنڈر کی قیمت میں 43.50 روپے فی سلنڈر تک کا اضافہ کر دیا ہے۔ اضافے کے بعد راجدھانی دہلی میں 19 کلو گرام کمرشیل گیس سلنڈر کی قیمت 1693 روے سے بڑھ کر 1736.50 روپے فی سلنڈر ہو گئی ہے۔

تیل کمپنیوں نے عام آدمی کے استعمال میں آنے والے 14.2 کلو گرام کے بغیر سبسیڈی والے رسوئی گیس سلنڈر کی قیمتوں میں اضافہ نہیں کیا ہے۔ دہلی میں 14.2 کلو گرام بغیر سبسیڈی والے رسوئی گیس سلنڈر کی قیمت 884.50 روپے ہے۔ حالانکہ گزشتہ مہینے یعنی ستمبر ماہ میں تیل کمپنیوں نے گھریلو رسوئی گیس سلنڈر کی قیمت میں 25 روپے کا اضافہ کیا تھا۔


ہندوستانی کی راجدھانی دہلی میں بغیر سبسیڈی والے 14.2 کلو گرام ایل پی جی سلنڈر کی قیمت بغیر تبدیلی کے 884.50 روپے، کولکاتا میں 911 روپے، ممبئی میں 884.50 روپے اور چنئی میں 900.50 روپے فی سلنڈر ہے۔ لیکن 19 کلو گرام کے کمرشیل ایل پی جی سلنڈر کی قیمت میں اضافہ کے بعد دہلی میں اس کی قیمت 43.50 روپے اضافہ کے بعد 1736.50 روپے، کولکاتا میں کمرشیل گیس سلنڈر کی قیمت 35 روپے اضافہ کے بعد 1805.50 روپے، ممبئی میں 35.50 روپے اضافہ کے بعد 1685 روپے، اور چنئی میں 36.50 روپے اضافہ کے بعد 1867.50 روپے فی سلنڈر ہو گئی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔