وکاس کے ہاتھ میں 'کلاوہ‘ اور ’کلین شیو‘ سوشل میڈیا پر موضوع بحث

کانپور: اتر پردیش کے ضلع کانپور کے چوبے پور علاقے میں 8 پولیس اہلکاروں کے قتل کا کلیدی ملزم وکاس دوبے کہ مدھیہ پردیش کے اجین سے گرفتاری کے بعد اس کے ہاتھ میں بندھے' کلاوہ 'اور' کلین شیوو داڑھی' سوشل میڈیا صارفین کے لئے موضوع بحث ہے اور انہیں نے اس پر کئی سوالات کھڑے کیے ہیں۔

پانچ لاکھ کے انعامی شاطر ملزم کو جمعرات کی صبح مدھیہ پردیش پولیس نے اجین کے مہاکال مندر سے گرفتار کرنے کا دعوی کیا ہے۔ گرفتاری کے بعد پولیس کی جانب سے اس کی جاری فوٹیج فیس بک، ٹوئٹر سمیت دیگر سوشل میڈیا پلیٹ فارم موضوع بحث ہے۔

فوٹو میں وکاس کے ہاتھ میں بندھا ہوا کلاوہ اور بنی ہوئی داڑھی دیکھ کر کئی صارفین نے سوال کھڑے کیے ہیں کہ کورونا وائرس کی وجہ سے اجین کے مہاکال مندر میں 'کلاوہ' باندھنے پر گزشتہ تین مہینوں سے پابندی عائد ہے تو اس کے ہاتھ میں کلاوہ کس نے باندھا۔

وہیں اس کی داڑھی بھی اک دم کلین ہے جس پر سوالات پوچھے جارہے ہیں کہ وکاس کی تلاش میں پولیس گزشتہ ایک ہفتے سے چپہ چپے کو چھان رہی ہے۔ ایسے میں اسے داڑھی بنانے کا وقت اور سکون کیسے مل گیا ہوگا۔ وہیں ایک صارف نے سوال کیا ہے کہ گرفتاری کے وقت اتنے میڈیا نمائندے وہاں کیسے پہنچ گئے، جبکہ مدھیہ پردیش کا پولیس دعوی ہے کہ وہ رات سے ہی وکاس کی سرگرمی پر نگاہ رکھے ہوئے تھی اور خفیہ مشن کے تحت گرفتار کیا گیا ہے۔