اتراکھنڈ: ایس ٹی ایف نے پیپر لیک معاملے میں 34 ویں ملزم کو کیا گرفتار

اجے سنگھ نے کہا کہ مضبوط ثبوت اور تکنیکی ثبوت کی بنیاد پر ایس ٹی ایف نے ملزم سنپن رائے کو گومتی نگر لکھنؤ سے گرفتار کیا ہے۔

گرفتار، تصویر آئی اے این ایس
گرفتار، تصویر آئی اے این ایس
user

یو این آئی

دہرادون: اسپیشل ٹاسک فورس (ایس ٹی ایف) نے اتراکھنڈ ماتحت سروس سلیکشن کمیشن (یو کے ایس ایس ایس سی) کے ذریعہ منعقدہ مسابقتی امتحانات کے کوسچن پیپر لیک معاملے کی تحقیقات کرتے ہوئے اتوار کی صبح 34 ویں ملزم کو لکھنؤ، اتر پردیش سے گرفتار کیا۔ ملزم کے گھر سے 3.80 لاکھ روپے کی نقدی بھی برآمد ہوئی ہے۔

ریاستی پولیس کے ایس ٹی ایف سیل کے سپرنٹنڈنٹ آف پولیس (ایس پی) اجے سنگھ نے آج یہاں کہا کہ پیپر لیک معاملے میں اتر پردیش کے نقل مافیا کے ایک اہم ساتھی کو گرفتار کرنے میں کامیابی ملی ہے۔ انہوں نے کہا کہ مضبوط ثبوت اور تکنیکی ثبوت کی بنیاد پر ایس ٹی ایف نے ملزم سنپن رائے کو گومتی نگر لکھنؤ سے گرفتار کیا ہے۔ انہوں نے بتایا کہ ملزم اصل میں غازی پور اتر پردیش کا رہنے والا ہے اور نقل سرغنہ صادق موسیٰ کا ساتھی ہے۔


اجے سنگھ نے کہا کہ ملزم کا پرچہ لیک ہونے اور امتحان سے پہلے ہلدوانی آنے میں دیگر ملزمین کے ساتھ اہم کردار پایا گیا ہے۔ انہوں نے کہا کہ امتحان لیک کیس سے ملزم سنپن رائے سے حاصل کئے گئے 3.80 لاکھ روپے بھی برآمد کئے گئے ہیں۔ جبکہ اس سے قبل گرفتار کیے گئے ایک اور ملزم وپن بہاری کے گھر سے امتحان میں پیپر لیک کے ذریعے حاصل کیے گئے 6 لاکھ روپے بھی اس کے لکھنؤ کی رہائش گاہ سے برآمد ہوئے ہیں۔

انہوں نے کہا کہ اب تک کل 92 لاکھ نقدی برآمد کی گئی ہے۔ اس کے ساتھ ہی اس سے قبل گرفتار کیے گئے ملزمان کے کروڑوں کے غیر قانونی اثاثوں کا بھی پردہ فاش کیا گیا ہے اور کئی بینک اکاؤنٹس بھی منجمد کیے گئے ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔