اناؤ عصمت دری کی متاثرہ کو دہلی لایا گیا ، ایمس میں بھرتی
سڑک حادثہ کے بعد سے زیر علاج اناؤ عصمت دری کی متاثرہ کی حالت نازک بنی ہوئی ہے اور اب اس کو علاج کے لئے لکھنؤ سے دہلی لایا گیا ہے اور ایمس میں بھرتی کراد یا گیا ہے
سپریم کورٹ کے حکم کے بعد سڑک حادثہ میں شدید طور سے زخمی اناؤ عصمت دری کی متاثرہ کو علاج کے لئے دہلئ لایا گیا ہے اور اس کو ایمس میں بھرتی کرا دیا گیا ہے ۔اس سے پہلے گرین کوریڈور بنا کر متاثرہ کو ائیر پورٹ پہنچایا گیا اور وہاں سے ائیر ایمبولینس کےذریعہ متاثرہ کو دہلی لایا گیا ۔اطلاعات کے مطابق متاثرہ شام6:30 بجے ائیر ایمبولینس کے ذریعہ دہلی کے لئے روانہ ہوئی اور شام 7:30بجے وہ دہلی پہنچ گئی تھی جہاں سے سیدھے ایمس لے جایا گیا اور وہاں اس کو بھرتی کرا دیا گیا ۔
لکھنؤ کے کے جی ایم یو اسپتال نے پیر کی صبح متاثرہ کا میڈیکل بلیٹن جاری کیا تھا جس میں متاثرہ اور اس کے وکیل کی حالت کو نازک بتاتے ہوئے کہا تھا کہ حالت مستحکم بنی ہوئی ہے ۔ اس بلیٹن کے مطابق متاثرہ کی حالت میں سدھار ہوا ہے اور مریض اب اشارہ سمجھ رہا ہے ، وہ ایک آنکھ کھولکر باتوں کو سمجھ رہی ہے ، بخار آنے کے عمل میں کمی آئی ہے ۔متاثرہ آنکھیں کھول کر بات بھی کر رہی ہے۔وینٹیلیٹر سے ہٹانے کا عمل شروع کیا گیا ہے اور بلڈ پریشر کی دوا جاری ہے ۔ دوسری جانب متاثرہ کے وکیل کی حالت میں بھی بہت سدھار ہوا ہے اور وہ وینٹیلیٹر کے بغیر سانس لے رہا ہے ۔
واضح رہے اس سے قبل اناؤ معاملہ کی سنوائی کرتے ہوئے چیف جسٹس آف انڈیا رنجن گوگوئی کی قیادت والی بینچ نے حکم دیا تھا کہ متاثرہ کا علاج دہلی کے ایمس اسپتال میں کرایا جائے ۔ متاثرہ کا علاج لکھنؤ کے ٹراما سینٹر میں چل رہا تھا ۔متاثرہ کی حالت ابھی نازک بنی ہوئی ہے ۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔