اوما کانت لکھیڑا پریس کلب آف انڈیا کے نئے صدر منتخب

پریس کلب آف انڈیا کے انتخاب میں سخت مقابلہ کے درمیان اوماکانت لکھیڑا کی قیادت والے پینل نے جیت حاصل کی۔ اس پینل میں صدر کے عہدے کے لئے اوما کانت لکھیڑا نے اپنے حریف سنجے بساک کو 98 ووٹوں سے شکست دی۔ شاہد عباس نے نائب صدر کےعہدے کے لئے اپنی حریف پلوی گھوش کو 13 ووٹوں سے شکست دی۔ ادھر جنرل سکریٹری کی نشست کے لئے ونے کمار نے اپنے قریبی حریف سنتوش ٹھاکر کو 59 ووٹوں سے شکست دی۔ جوائنٹ سکریٹری کے عہدے کے لئے چندر شیکھر لتھرا نے اپنے قریبی حریف مانش پراتم کو 108 ووٹوں سے شکست دی، لیکن خزانچی کے عہدے کے لئے اوماکانت پینل کی جیوتیکا گروور 20 ووٹوں سے سودھی رنجن سے ہار گئیں۔

اس کے علاوہ 21 لوگوں کے پینل میں سے 5 پانچ لوگ بشمول خزانچی دوسرے پینل سے جیت کر آئے ہیں۔ ان پانچ کامیاب امیدواروں میں سے چار کا تعلق منیجنگ کمیٹی سے ہے۔ واضح رہے اردو کے نمائندہ جناب اے یو آصف نے بھی جیت حاصل کی۔

واضح رہے اس سال کووڈ وبا اور بنگال میں انتخابات کے باوجود پولنگ گزشتہ سال کے مقابلہ زیادہ ہوئی اور مقابلہ بہت سخت اور قریبی رہا۔ سنجے بساک کے پینل نے تبدیلی کا نعرہ دیا تھا لیکن صحافیوں نے موجودہ نظام میں اپنا اعتماد ظاہر کیا۔