دہلی سے لاہور اور کابل تک زلزے کے جھٹکے

زلزلہ شناسی کے قومی مرکز کے ڈائریکٹر وی کے گہلوت نے کہا ’’زلزلہ افغانستان کے ہندو کش علاقہ میں آیا جس کی شدت 6.2 تھی اور اس کا مرکز 190 کلومیٹر زیر زمین تھا اس لئے کشمیر میں اس کا شدید اثر دیکھا گیا جبکہ دہلی تک جھٹکے محسوس کئے گئے۔‘‘

میڈیا رپورٹوں کے مطابق پاکستان کے کئی شہروں میں زلزلہ کے جھٹکے محسوس کئے گئے اور راولکوٹ، لاہور کے علاوہ پاک مقبوضہ کشمیر کے میرپور، مظفرآباد اور جموں و کشمیر کے پونچھ سمیت تمام علاقوں میں زلزلہ کا اثر دیکھنے کو ملا۔

جموں و کشمیر کے علاوہ شمالی ہندوستان میں ہماچل پردیش، پنجاب، اتر پردیش اور بہار میں بھی زلزلہ کے جھٹکے محسوس کئے گئے۔

پاکستانی میڈیا کے مطابق بلوچستان کے لسبیلہ علاقہ میں 6.1 کی شدت کا زلزلہ آیا جس میں ایک شخص کے ہلاک ہو نےاور کئی افراد زخمی بتائے جا رہے ہیں۔

دہلی اور این سی آر میں بدھ کی دوپہر زلزلہ کے جھٹکے محسوس کئے گئے۔ 12 بج کر 40 منٹ پر آئے زلزلہ کا اثر این سی آر کے کئی علاقوں میں دیکھنے کو ملا۔ دہلی این سی آر کے ساتھ ساتھ جموں و کشمیر، پاکستان اور قزاقستان میں بھی زلزلہ کے جھٹکوں کو محسوس کیا گیا ہے۔

ابتدائی رپورٹوں کے مطابق زلزلہ کی شدت ریکٹر اسکیل پر 6.1 ناپی گئی ہے ۔ پاکستانی میڈیا کے مطابق بلوچستان میں کئی لوگ زخمی ہوئے ہیں۔ زلزلہ کا مرکزافغانستان کے ہندوکش میں پایا گیا ہے۔