پٹرول اور ڈیزل کی قیمتوں میں آج سات دنوں کے بعد کوئی اضافہ نہیں

انڈین آئل کارپوریشن کے مطابق دہلی میں پٹرول 104.44 روپے فی لیٹر اور ڈیزل 93.17 روپے فی لیٹر تک پہنچ گیا اور بھوپال میں پٹرول 112.96 روپے فی لیٹر اور ڈیزل 102.25 روپے فی لیٹر تک پہنچ گیا ہے۔

پٹرول اور ڈیزل کی قیمتوں میں اضافہ / تصویر آئی اے این ایس
پٹرول اور ڈیزل کی قیمتوں میں اضافہ / تصویر آئی اے این ایس
user

یو این آئی

نئی دہلی: ملک میں پٹرول اور ڈیزل کی قیمتیں منگل کو سات دنوں تک اضافہ کے بعد آج یہ قیمتیں مستحکم رہیں، بین الاقوامی مارکیٹ میں خام تیل اعلی قیمتوں کی سطح پر باقی رہنے اور ڈالر کے مقابلے میں روپے کی قدر میں کمی کے باوجود۔ پیر کو مسلسل ساتویں دن پٹرول 30 پیسے فی لیٹر اور ڈیزل 35 پیسے فی لیٹر مہنگا ہوا تھا۔ اس اضافے کے بعد دہلی میں پٹرول 104.44 روپے فی لیٹر اور ڈیزل 93.17 روپے فی لیٹر تک پہنچ گیا۔ ممبئی میں پٹرول 110.38 روپے اور ڈیزل 101 روپے فی لیٹر ہے۔

فی الحال، ملک کے بیشتر بڑے شہروں میں پٹرول کی قیمت 100 روپے فی لیٹر سے تجاوز کرچکی ہے اور ڈیزل بھی سنچری کی طرف بڑھ رہا ہے۔ ریاستی دارالحکومتوں کے بارے میں بات کی جائے تو رانچی میں پٹرول اور ڈیزل کی قیمتیں ایک جیسی ہونے جا رہی ہیں۔ پٹرول 98.99 روپے فی لیٹر اور ڈیزل 98.39 روپے فی لیٹر ہے۔ گزشتہ 10 دنوں میں پٹرول 2.80 روپے مہنگا ہو گیا ہے اور اسی عرصے میں ڈیزل بھی 3.30 روپے فی لیٹر بڑھ گئی ہے۔


اوپیک ممالک کے اجلاس میں تیل کی پیداوار میں چار لاکھ بیرل یومیہ اضافے کا فیصلہ کیا گیا تھا جبکہ کورونا کے بعد عالمی سطح پر اس کی مانگ میں زبردست اضافہ ہو رہا ہے۔ اس فیصلے کے بعد سے بین الاقوامی مارکیٹ میں خام تیل میں زبردست اضافہ ہوا ہے اور یہ سات سال کی بلند ترین سطح پر پہنچ گیا ہے۔ خام تیل میں اضافے کے بعد امریکہ نے اپنے اسٹریٹجک ذخائر استعمال کرنے کی بات کی۔ اس کے ساتھ ہی اس نے خام تیل کی برآمدات کو روکنے کا بھی اشارہ کیا، جس کی وجہ سے خام تیل کی قیمتیں دوبارہ بڑھنے لگی ہیں۔ منگل کو سنگاپور میں خام تیل کی تجارت میں نرمی آئی۔ برینٹ کروڈ 0.28 ڈالر کی کمی سے 83.37 ڈالر فی بیرل اور امریکی خام تیل 0.32 ڈالر کی نرمی سے 80.20 ڈالر فی بیرل پر کھلا تھا۔

ملک کی سرخیل آئل مارکیٹنگ کمپنی انڈین آئل کارپوریشن کے مطابق دہلی میں پٹرول 104.44 روپے فی لیٹر اور ڈیزل 93.17 روپے فی لیٹر تک پہنچ گیا۔ اس اضافے کے بعد دہلی این سی آر کے نوئیڈا میں پٹرول 101.70 روپے فی لیٹر اور ڈیزل 93.80 روپے فی لیٹر پر ہے۔ اس وقت بھوپال میں پٹرول 112.96 روپے فی لیٹر اور ڈیزل 102.25 روپے فی لیٹر تک پہنچ گیا ہے۔


پٹرول اور ڈیزل کی قیمتوں کا روزانہ جائزہ لیا جاتا ہے اور اسی بنیاد پر ہر روز صبح 6 بجے سے نئی قیمتوں کا اطلاق ہوتا ہے۔

شہر کا نام ———پٹرول (روپے/لیٹر) ——— (ڈیزل روپے/لیٹر)

دہلی —————— 104.44 —————— 93.17

ممبئی—————— 110.38 —————— 101.00

چنئی —————— 101.76 —————— 97.56

کولکتہ —————— 105.05 —————— 96.24

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔