یوپی پولیس کی نازیبا حرکت، خواتین کو لاٹھیوں سے پیٹنے اور ان کے ساتھ بدسلوکی کرنے کا ویڈیو وائرل

امبیڈکر نگر پولیس افسر اجیت کمار سنہا نے بتایا کہ کچھ مظاہرین نے پولیس کی گاڑی پر حملہ کیا اور توڑ پھوڑ کی۔ پولیس کو صورتحال پر قابو پانے کے لیے ہلکی طاقت کا استعمال کرنا پڑا۔

علامتی، تصویر آئی اے این ایس
علامتی، تصویر آئی اے این ایس
user

قومی آوازبیورو

امبیڈکر نگر: اتر پردیش کے پولیس اہلکاروں کا خواتین کو لاٹھیوں سے پیٹنے اور ان کے ساتھ بدسلوکی کرنے کا ویڈیو وائرل ہوا ہے۔ پولیس نے معاملے میں زیادتی کا الزام لگایا ہے۔ تاہم پولیس نے ان الزامات کی تردید کرتے ہوئے کہا کہ خواتین کی جانب سے ان پر اور ان کی گاڑیوں پر پتھراؤ کے بعد انہیں ہلکی طاقت کا استعمال کرنا پڑا۔

سوشل میڈیا پر وائرل ہونے والا یہ ویڈیو امبیڈکر نگر ضلع کے جلال پور کا ہے۔ خواتین اور دیگر افراد متنازعہ مقام پر نصب بی آر امبیڈکر کے مجسمے کو توڑنے کے خلاف احتجاج کر رہے تھے۔ اس کے سبب وہاں کشیدگی نڑھ گئی تھی۔ اطلاع ملنے پر اتوار کو پولیس موقع پر پہنچی تو خواتین کے ایک گروپ نے احتجاج کیا اور پولیس پر پتھراؤ شروع کر دیا۔


ایک دیگر ویڈیو میں کچھ خواتین کو خواتین پولیس اہلکاروں پر حملہ کرتے اور ان کے بال کھینچتے ہوئے دیکھا جا سکتا ہے۔ امبیڈکر نگر پولیس افسر اجیت کمار سنہا نے بتایا کہ کچھ مظاہرین نے پولیس کی گاڑی پر حملہ کیا اور توڑ پھوڑ کی۔ پولیس کو صورتحال پر قابو پانے کے لیے ہلکی طاقت کا استعمال کرنا پڑا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔