ریاستی حکومت رائے پور ہوائی اڈے کے دوسرے رن وے کے لیے زمین محفوظ کرے گی: بھوپیش
بھوپیش بگھیل نے کہا کہ اس کے لیے مرکز سے اجازت حاصل کرنے کی کوشش کی جائے۔ انہوں نے عہدیداروں سے رائے پور ایرپورٹ کے نزدیک ایروسیٹی کی ترقی کے لئے عمل شروع کرنے کے لئے کہا۔
رائے پور: چھتیس گڑھ کے وزیر اعلی بھوپیش بگھیل نے کہا کہ ریاستی حکومت رائے پور ہوائی اڈے پر پروازوں کی تعداد بڑھانے کے لیے دوسرے رن وے کے لیے زمین محفوظ کرے گی۔ بھوپیش بگھیل نے آج یہاں اپنی رہائش گاہ پر منعقدہ میٹنگ میں کہا کہ اس کے لیے مرکز سے اجازت حاصل کرنے کی کوشش کی جائے گی۔ انہوں نے عہدیداروں سے رائے پور ایرپورٹ کے نزدیک ایروسیٹی کی ترقی کے لئے عمل شروع کرنے کے لئے کہا۔ انہوں نے میٹنگ میں اربن ایڈمنسٹریشن اینڈ ڈیولپمنٹ ڈیپارٹمنٹ، ٹاؤن اینڈ کنٹری انویسٹمنٹ ڈیپارٹمنٹ، ہاؤسنگ اینڈ انوائرمنٹ، این آر ڈی اے کے کاموں کا تفصیلی جائزہ لیا۔
یہ بھی پڑھیں : بی جے پی قبائلیوں کی شناخت کو مٹانے کی کوشش کر رہی ہے: راہل
انہوں نے ٹاؤن اینڈ کنٹری پلاننگ ڈیپارٹمنٹ کے حکام سے کہا کہ وہ غیر قانونی تعمیرات کو ریگولرائز کرنے کے کام کو تیز کریں، اسے عوام کے درمیاں وسیع پیمانہ پر پھیلایا جائے۔ انہوں نے کہا کہ یہ قانون عوام کو براہ راست فائدہ پہنچانے کے لیے لایا گیا ہے۔ اس کا زیادہ سے زیادہ فائدہ لوگوں کو ملے، اس بات کو یقینی بنایا جائے، غیر قانونی تعمیرات کو ریگولرائز کرنے کے لیے وارڈ لیول، گاؤں کی سطح پر کیمپ لگائے جائیں۔
بھوپیش بگھیل نے ٹاؤن اینڈ کنٹری پلاننگ ڈیپارٹمنٹ کو ہدایت کی ہے کہ کالونی کے لے آؤٹ اور روڈ اسٹرکچر کی منظوری کا کام مقررہ مدت میں مکمل کیا جائے۔ غیر قانونی کالونیوں کے خلاف سخت کارروائی کی جائے۔ ایف آئی آر درج کی جائے۔ بھوپیش بگھیل نے نیا رائے پور میں سیوا گرام کی تعمیر کو مقررہ وقت میں مکمل کرنے کی ہدایت دی ہے۔
سڑک کی مرمت کے لیے شہری اداروں کو 147 کروڑ روپے جاری کرتے ہوئے بھوپیش بگھیل نے کہا کہ کلکٹر کو سڑک کی مرمت کے لیے ایجنسی کا انتخاب کرنے کا حق حاصل ہوگا۔ شہروں کی خراب سڑکوں کی فوری مرمت کرنے کی سخت ہدایات دیتے ہوئے انہوں نے کہا کہ کلکٹر اور کارپوریشن کمشنر بذات خود سڑکوں کی تعمیر کے کاموں کا معائنہ کریں۔ میٹنگ میں چیف سکریٹری امیتابھ جین، ایڈیشنل چیف سکریٹری سبرت ساہو، سکریٹری شہری نظم و نسق محکمہ اور محکمہ ترقیات الارملمنگائی ڈی سمیت متعلقہ محکموں کے سینئر افسران موجود تھے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔