وارانسی-لکھنؤ کے درمیان چلے گی 17 نومبر سے شٹل ٹرین

جونپور سٹی اسٹیشن کے سپرنٹنڈنٹ انل کمار اپادھیائے نے اتوار کو میڈیا نمائندوں کو بتایا کہ گاڑی نمبر 20401 اپ اور 20402ڈاؤن (وارانسی لکھنؤ سپر فاسٹ شٹل) ٹرین کی خدمات شروع ہوجائیں گی۔

تصویر آئی اے این ایس
تصویر آئی اے این ایس
user

یو این آئی

جونپور: کورونا بحران میں بند کی گئی تمام ریل گاڑیوں کو چلانے کے سلسلے میں وارانسی سے لکھنؤ کے درمیان چلنے والی سپر فاسٹ شٹل ٹرین17 نومبر سے چلنے لگے گی۔ جونپور سٹی اسٹیشن کے سپرنٹنڈنٹ انل کمار اپادھیائے نے اتوار کو میڈیا نمائندوں کو بتایا کہ گاڑی نمبر 20401 اپ اور 20402ڈاؤن (وارانسی لکھنؤ سپر فاسٹ شٹل) ٹرین کی خدمات شروع ہوجائیں گی۔

اپادھیائے نے بتایا کہ شٹل ٹرین کے چلنے کی وجہ سے گزشتہ جمعہ کو ہی ریلوے بورڈ کے ساتھ میٹنگ میں اس کے چلانے کی تاریخ طے کی گئی ہے۔ انہوں نے بتایا کہ ایک دو دن میں اس کے ٹکٹ کی بکنگ سمیت دیگر ضروری جانکاریاں انٹرنیٹ کے ذریعہ حاصل کی جاسکیں گی۔


اپادھیائے نے مانا کہ اپڈیٹ کرایہ فہرست کے تحت شٹل ٹرین کا کرایہ ورونا ایکسپریس کے مقابلے کچھ زیادہ ہوسکتا ہے۔ شٹل ٹرین میں کل 17ڈبے ہوں گے۔ یہ گاڑی وارانسی اور لکھنؤ کے درمیان جونپور سٹی، سلطان پور اور نہال گڑھ اسٹیشنوں پر رکے گی۔

انہوں نے کہا کہ 17نومبر سے یہ گاڑی وارانسی سے صبح 6 بجے چل کر 6:58 بجے جونپور سٹی، 7:56 پر سلطان پور، 8:38 پر نہال گڑھ اور 10:10 منت پر لکھنؤ اسٹیشن پہنچے گی۔ اپادھیائے نے بتایا کہ واپسی میں یہ گاڑی لکھنؤ سے شام 06 بجے چل کر 7:16 بجے نہال گڑھ، 7:56 بجے سلطان پور، 8:55 بجے جونپور اور رات 10:10 بجے وارانسی پہنچ جائے گی۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔