حکومت پارلیمنٹ میں ہر موضوع پر بحث کے لیے تیار ہے: وزیر اعظم

وزیر اعظم مودی نے کہا کہ ’’حکومت پارلیمنٹ میں ہر موضوع پر بحث کے لیے تیار ہے، کھلی بحث کے لیے تیار ہے۔"

پی ایم مودی، تصویر یو این آئی
پی ایم مودی، تصویر یو این آئی
user

یو این آئی

نئی دہلی: وزیر اعظم نریندر مودی نے پارلیمنٹ کے سرمائی اجلاس کے آغاز سے قبل دونوں ایوانوں میں بحث کرتے ہوئے اور حکومت سے سوال پوچھتے ہوئے مہذب طرز عمل اختیار کرنے کی اپیل کی اور کہا کہ حکومت پارلیمنٹ میں ہر موضوع پر بحث کے لئے تیار ہے۔

پارلیمنٹ کی کارروائی سے ٹھیک پہلے نامہ نگاروں کے ساتھ روایتی بات چیت میں وزیر اعظم مودی نے کہا کہ ’’حکومت پارلیمنٹ میں ہر موضوع پر بحث کے لیے تیار ہے، کھلی بحث کے لیے تیار ہے۔" وزیراعظم نے کہا کہ ہم پارلیمنٹ میں ایسا طرز عمل اختیار کریں جو مستقبل میں نوجوانوں کے لیے کارآمد ہو۔


انہوں نے کہا کہ پارلیمنٹ میں بھی سوالات اٹھائے جائیں لیکن سکون کے ساتھ، انہوں نے کہا کہ سوالات بھی اور امن وامان بھی رہے۔ انہوں نے کہا کہ اپوزیشن کو حکومت پر تنقید کا پورا حق ہے تاہم ایوان کا وقار برقرار رکھنا ضروری ہے۔ انہوں نے کہا کہ حکومت پر کڑی تنقید ہونی چاہیے لیکن اسپیکر اور پارلیمنٹ کا وقار بھی برقرار رہنا چاہیے۔

کورونا کے خطرے کے بارے میں خبردار کرتے ہوئے پی ایم مودی نے کہا کہ کورونا سے بچاؤ کے لیے مسلسل احتیاطی تدابیر اختیار کرنا ضروری ہے۔ وزیراعظم نے امید ظاہر کی کہ پارلیمنٹ کا سرمائی اجلاس ملک کی ترقی کے نقطہ نظر سے نتیجہ خیز ثابت ہوگا۔ ہم بات چیت کے ذریعے ملک کی ترقی کا راستہ تلاش کریں گے۔ پارلیمنٹ میں اچھے کام کرنے پر پارلیمنٹ کو تسلیم کیا جائے گا، نہ کہ ایوان میں ہنگامہ آرائی ہونے پر۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔