بھکمری کے دہانے پر پہنچ گیا ملک: کانگریس

پٹنہ: بہار کانگریس نے عالمی بھوک انڈیکس میں ہندوستان کی قابل رحم صورتحال کو لیکر مرکز کی نریندر مودی حکومت پر حملہ کرتے ہوئے کہاکہ ملک بھکمری کے دہانے پر پہنچ گیا ہے ۔ بہارکانگریس اسمبلی کے لیڈر سدانند سنگھ نے یہاں کہاکہ نریندر مودی حکومت میں ہندوستان عالمی بھوک انڈیکس ( گلو بل ہنگر انڈیکس) میں 102 مقام پیچھے چلا گیا ہے ۔

حیرت اس بات پر ہے کہ جس پاکستان کی سیاست کر کے بی جے پی دوبارہ اقتدار میں آئی وہ بھی ہندوستان سے بہتر حالت میں ہے ۔ اس انڈیکس میں پاکستان 94 مقام پر ہے ۔ سنگھ نے حملہ کرتے ہوئے کہاکہ نہ صر ف پاکستان بلکہ سبھی پڑوسی جنوب ایشیائی علاقائی تعاون تنظیم ملکوںمیں ہندوستان نچلے مقام پر آگیاہے ۔ انہوں نے کہاکہ ایسا لگتا ہے کہ ملک بھوک مری کے دہانے پر پہنچ چکاہے ۔

کانگریس لیڈر نے کہاکہ برکس ( برازیل ، روس ، انڈیا ، چین اور ساﺅتھ افریقہ) کے باقی ملکوں سے بھی ہندوستان اس فہرست میں بہت پیچھے ہے ۔ انہوں نے کہاکہ ہندوستان کو موصول نمبرات30.3 ہے ۔ اس کا مطلب ہےکہ یہ بھوک سنگین بحران ہے ۔

سنگھ نے کہاکہ یہ رپورٹ سال 2014-18 کے مابین مطالعہ ( اعداد و شمار ) پر مبنی ہے یعنی پورے طور سے یہ مودی حکومت کے مدت کار کی سیاہ حصولیابی ہے ۔ انہوںنے سوالیہ لہجے میں کہاکہ کیا بھارتیہ جنتا پارٹی ( بی جے پی ) ملک کے باشندوںکو بتائے گی کہ جس ملک نے اس پر اعتماد کر کے اسے اقتدار کی دہلیز پر پہنچایا اس ملک کی ایسی حالت کیوں بنائی ۔ کیا اسے مرکزی قیادت میں مزید برقرار رہنے کا اخلاقی جواز ہے ۔