مرکزی حکومت تمام شہریوں کو کورونا کا ٹیکہ مفت فراہم کرے: اویسی
اویسی نے کہا کہ عالمی معاشی فورم کے اجلاس میں پی ایم مودی نے کہا تھا کہ ہندوستان نے کووڈ سے کامیابی کے ساتھ لڑائی لڑی ہے۔ لیکن آج ملک مرکزی حکومت کی ناکامی کی وجہ سے مشکل صورتحال کا سامنا کر رہا ہے۔
حیدرآباد: حیدرآباد کے رکن پارلیمنٹ و کل ہند مجلس اتحاد المسلمین کے صدر اسدالدین اویسی نے مرکزی حکومت سے مطالبہ کیا ہے کہ وہ ملک کے تمام شہریوں کے لئے کورونا کا مفت ٹیکہ فراہم کرے۔ انہوں نے حکومت سے یہ بھی مطالبہ کیا کہ کووڈ-19 کے علاج کے لئے استعمال ہونے والے انجکشن اور دیگر وائلس پر جی ایس ٹی کو معاف کرے۔ انہوں نے کہا کہ عوامی رقم کا، اس اہم وقت میں شہریوں کے لئے استعمال کیا جانا چاہیے۔
اسدالدین اویسی نے حیدرآباد میں کووڈ ہیلپ لائن اور آکسیجن بینک کے افتتاح کے بعد میڈیا سے بات کرتے ہوئے مختلف ماہرین اور ایجنسیوں کے ذریعہ وقفہ وقفہ سے چوکسی اختیار کرنے کی خواہش کے باوجود زمینی کام نہ کرتے ہوئے حد سے زیادہ اعتماد کے ذریعہ ملک کو بحران میں ڈھکیلنے پر مودی کے زیر قیادت مرکزی حکومت پر نکتہ چینی کی۔ انہوں نے کہا کہ عالمی معاشی فورم کے اجلاس میں وزیراعظم مودی نے کہا تھا کہ ہندوستان نے کووڈ- 19 سے کامیابی کے ساتھ لڑائی لڑی ہے۔ اسی طرح کا بیان پارلیمنٹ میں بھی دیا گیا تھا۔ آج ملک مرکزی حکومت کی ناکامی کی وجہ سے مشکل صورتحال کا سامنا کر رہا ہے۔
یہ بھی پڑھیں : کورونا سے ہوئیں اموات پر پردہ پوشی کیوں؟... اعظم شہاب
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔