تمل ناڈو: مدورائی میں وزیر اعظم نریندر مودی کی مخالفت، ’گو بیک مودی‘ کے لگے نعرے

تمل ناڈو کے مدورائی پہنچے وزیر اعظم نریندر مودی کو ناراض ایم ڈی ایم کے کارکنان کی مخالفت کا سخت سامنا کرنا پڑا، ایم ڈی ایم کے کارکنان وزیر اعظم نریندر مودی سے اپنی ناراضگی کا اظہار کرہے تھے، ساتھ ہی 'مودی گو بیک گو' جیے نعرے بھی لگارہے تھے، پورے شہر میں وزیر اعظم نریندر مودی کے خلاف جگہ جگہ مظاہرے ہوئے، ایم ڈی ایم کے کارکنان کے ہاتھوں میں سیاہ پرچم تھے، وہ وزیر اعظم نریندر مودی اور بی جے پی کے خلاف مظاہرہ کر رہے تھے، ایم ڈی ایم کے کارکنوں کی قیادت ایم ڈی ایم کے چیف وائیکو کر رہے تھے۔

وزیر اعظم نریندر مودی کے دورے کے خلاف سڑکوں پر تو احتجاج ہوا ہی ہے ساتھ ہی سوشل میڈیا پر بھی وزیر اعظم کے دورے کی مخالفت دیکھی گئی، ٹوئٹر پر صبح سے ہی # گوبیك گو مودی ٹاپ پر گردش کر رہا ہے۔

مخالفت اور مظاہروں کت درمیان وزیر اعظم نریندر مودی مدورائی پہنچے، جہاں انہوں نے نے ایمس (آل انڈیا انسٹی ٹیوٹ) کا سنگ بنیاد رکھا، اس کے علاوہ انہوں نے مدورائی، تجاور اور تیرونےلویلی میڈیکل کالجوں کے خصوصی بلاکوں کا افتتاح بھی کیا۔

تمل ناڈو کے بعد وزیر اعظم نریندر مودی کا کیرالہ کے کوچی جانے کا پروگرام ہے، جہاں وہ بھارت پٹرولیم کارپوریشن لمیٹڈ کے انٹیگریٹڈ ریفائنری کمپلیکس کا افتتاح کریں گے، اس کے ساتھ ہی وزیر اعظم مودی یہاں پر ایک پیٹروکیمیکل کمپلیکس کا سنگ بنیاد بھی رکھیں گے، وزیر اعظم نریندر مودی کوچی میں ہی انڈین آئل کارپوریشن لمیٹڈ کے ایک ایل پی جی بوٹلنگ پلانٹ کے اسٹوریج ویسل کا بھی افتتاح کریں گے، وہیں، ایٹٹومانور میں وہ اسکل ڈیولپمنٹ انسٹی ٹیوٹ کا سنگ بنیاد رکھیں گے۔