سپریم کورٹ نے وی وی پی اے ٹی پرچیوں کی 100 فیصد گنتی کی عرضی خارج کر دی
چیف جسٹس سنجیو کھنہ اور جسٹس سنجے کمار اور کے وی وشواناتھن کی بنچ نے کہا کہ اسی طرح کے مسائل کو اٹھاتے ہوئے ایک تفصیلی فیصلہ دیا گیا ہے اور اسے بار بار نہیں اٹھایا جا سکتا۔
فائل تصویر آئی اے این ایس
سپریم کورٹ نے پیر کے روز اس درخواست پر غور کرنے سے انکار کر دیا جس میں الیکشن کمیشن آف انڈیا کو الیکٹرانک گنتی کے علاوہ ووٹر ویریفائیڈ پیپر آڈٹ ٹریل (وی وی پی اےٹی) سلپس کی 100 فیصد دستی گنتی کرنے کی ہدایت دینے کی درخواست کی گئی تھی۔
چیف جسٹس سنجیو کھنہ اور جسٹس سنجے کمار اور کے وی وشواناتھن کی بنچ نے کہا کہ اسی طرح کے مسائل کو اٹھاتے ہوئے ایک تفصیلی فیصلہ دیا گیا ہے اور اسے بار بار نہیں اٹھایا جا سکتا۔
عدالت نے اس موضوع پر دہلی ہائی کورٹ کے 12 اگست 2024 کے فیصلے کے خلاف ہنس راج جین کی درخواست کو خارج کر دیا۔ بنچ نے کہا کہ وہ اس معاملے پر ہائی کورٹ کے فیصلے میں مداخلت کا خواہاں نہیں ہے۔
عرضی پر غور کرنے سے انکار کرتے ہوئے بنچ نے کہا، "ہمیں (دہلی ہائی کورٹ کے) کے فیصلے میں مداخلت کرنے کے لیے کوئی اچھی بنیاد نہیں ملتی ۔ خصوصی اجازت کی درخواست خارج کی جاتی ہے۔"
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔