عید کے پیش نظر نیپال سرحد پر سیکورٹی کے سخت انتظامات

بستی: عید سعید کے پیش نظر کسی بھی ناخشگوار واقعہ سے بچنے کے لئے احتیاط کے طور پر ہند۔نیپال سرحد پر سیکورٹی میں اضافہ کر دیا گیا ہے اور سیکورٹی نظام کو چست و درست رکھنے کے لئے پولیس افسران کو ہدایات دی گئی ہیں۔

انسپکٹر جنرل آف پولیس راجیش موڈک نے پیر کو 'یواین آئی' کو بتایا کہ عید کے پیش نظر نیپال کی سرحد پر سخت چوکسی رکھی جا رہی ہے اور ہر آنے جانے والے پر کڑی نظر رکھی جا رہی ہے۔ ایس ایس بی کے اہلکار سرحد پر کڑی نظر رکھے ہوئے ہیں۔ گاڑیوں کی چیکنگ کی جا رہی ہے۔ بڑہنی-ڈھیبروا روڈ پر گاڑیوں کی چیکنگ کے ساتھ ساتھ ان کی ویڈیو ریکارڈنگ بھی کی جا رہی ہے۔

انہوں نے کہا کہ پولیس ہر آنے جانے والے شخص کے بارے میں معلومات حاصل کر کے پولیس کے ذریعہ رجسٹر میں درج کیا جا رہا ہے۔ ساتھ ان کا موبائل نمبر بھی لکھا جا رہا ہے، مشکوک افراد کی تفتیش تیز رفتاری سے کی جا رہی ہے، افراد کی نگرانی بھی کی جا رہی ہے۔

بستی ڈویژن کے بستی، سدھارتھ نگر اور سنت کبیر نگر اضلاع کے پولیس سپرنٹنڈنٹ، ایڈیشنل سپرنٹنڈنٹ آف پولیس، ڈپٹی سپرنٹنڈنٹ آف پولیس اور تمام اسٹیشن اور چوکی کے انچارجوں کو ہدایت دی گئی ہے کہ سماج میں خوف اور دہشت پیدا کرنے والے افراد کی نشاندہی کر کے ان کے خلاف احتیاطی کارروائی کی جائے۔ اور مہم چلا کر ناجائز شراب کی فروخت پر پابندی لگائی جائے۔