ٹی آر ایس نے تلنگانہ کے لوگوں کے ساتھ کیا دھوکہ: سونیا گاندھی

سونیا گاندھی نے تلنگانہ کے ووٹروں کے نام ایک ویڈیو پیغام جاری کیا ہے، انہوں نے پیغام میں کہا کہ حیدرآباد میں بیٹھے لوگوں نے تلنگانہ کے عوام سے دھوکہ کیا ہے اور اب وقت آگیا ہے اقتدار تبدیل کرنے کا۔

تصویر سوشل میڈیا
تصویر سوشل میڈیا
user

قومی آوازبیورو

یو پی اے کی صدر سونیا گاندھی نے کہا ہے کہ تلنگانہ میں جو لوگ اقتدار میں بیٹھے ہیں انہوں نے لوگوں کے ساتھ دھوکہ کیا ہے، انہوں نے تلنگانہ کے ووٹروں سے اپیل کی ہے کہ وہ جمعہ کو ہونے والی پولنگ میں کانگریس کی قیادت والے مهاگٹھ بندھن کے لئے ووٹ کریں۔

کانگریس کی سابق صدر اور یو پی اے چیئر پرسن سونیا گاندھی نے تلنگانہ کی حکمران پارٹی ٹی آر ایس پر لوگوں کے ساتھ دھوکہ کرنے کا الزام لگایا ہے، انہوں نے کہا کہ حکمراں جماعت نے عام لوگوں کا بھروسہ کھو دیا ہے، انہوں نے 7 دسمبر کو ہونے والی پولنگ میں کانگریس کی قیادت والے اتحاد کو ووٹ دینے کی اپیل کی ہے۔

انہوں نے کہا کہ کانگریس، تلگودیشم پارٹی، سی پی آئی اور تلنگانہ جن سمیتی مهاگٹھ بندھن 'پرجا كٹمی' تلنگانہ میں سماج کے تمام طبقات کا مهاگٹھ بندھن ہے۔ انہوں نے کہا کہ "ساڑھے چار سال پہلے تلنگانہ ریاست قائم ہوئی تھی ، میں نے بھی اس بات کی کوشش کی تھی کہ تلنگانہ ریاست کی تشکیل ہو، لیکن وہ لوگ جو اقتدار میں آئے انہوں نے آپ سے دھوکہ کیا"۔

انہوں نے کہا کہ کانگریس، تلگودیشم پارٹی، سی پی آئی اور تلنگانہ جن سمیتی مهاگٹھ بندھن 'پرجا كٹمی' تلنگانہ میں سماج کے تمام طبقات کا مهاگٹھ بندھن ہے۔ انہوں نے کہا کہ "ساڑھے چار سال پہلے تلنگانہ ریاست قائم ہوئی تھی ، میں نے بھی اس بات کی کوشش کی تھی کہ تلنگانہ ریاست کی تشکیل ہو، لیکن وہ لوگ جو اقتدار میں آئے انہوں نے آپ سے دھوکہ کیا"۔

انہوں نے کہا کہ "اب وقت آ گیا ہے کہ آپ تلنگانہ میں جہاں کہیں ہوں، آپ اپنی امیدیں اور خواہشات کو پورا کرنے کے لئے سامنے آئیں، میں تم سب سے ذاتی اپیل کرتی ہوں کہ 'قوم كوٹمی' کے حق میں ووٹ کریں۔ "انہوں نے تلنگانہ کے لوگوں سے وعدہ کیا ہے کہ اتحاد کی حکومت سماج کے ہر طبقات کے لئے کام کرے گی اور لوگوں کی سچی نمائندہ ہوگی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 05 Dec 2018, 1:09 PM