مودی کابینہ میں مہاراشٹرا کے چھ نمائندوں کو جگہ ملی، نارائن رانے کا پتہ کٹا

وزیراعظم نریندر مودی کی قیادت والی مرکزی کابینہ میں مہاراشٹرا کے چھ نمائندوں کو جگہ ملی ہے جبکہ کوکن سے رکن پارلیمنٹ و قدآور رہنما نارائن رانے کا پتہ کٹ گیا حالانکہ موجودہ کابینہ میں کئ ایسے چہرئے بھی شامل کئے گئے ہیں جو لوک سبھا انتخابات میں ہار چکے ہیں اور وہ کسی بھی ایوان کے رکن نہیں ہے-

ریاست سے جن مختلف سیاسی پارٹیوں کے نمائندوں کو وزارت ملی ہے ان میں بی جے پی کے چار ارکین پارلینٹ ہیں جن میں ناگپور سےنتین گڑکری ممبئ سے پیوش کوئیل ، پونہ سے مرلی دھر ماہول ،راویر سے رکھشا کھڈسے، شیوسینا ایکناتھ شندئے گروپ کے پرتاپ راؤ جادھو  اوردلت لیڈر رپلیکن پارٹی آف انڈیا ( آر پی آئی (اے) کے سربراہ رام داس اٹھاولے شامل ہیں۔

ریاست کے ایک اور قدآور رہنما اور راشٹروادی کانگریس پارٹی (اجیت پوار گروپ ) کے لیڈر پرفل پٹیل کو بھی مرکزی وزارات سے محروم کیا گیاہے- نتین گڑکری کاتعلق ناگپور سے ہے پچھلی وزارات میں وہ وزیر تھے اور ان کا آرایس ایس میں اچھا خاصہ دبدبہ ہے۔ پیوش گوئل بھی مرکزی وزیر رہ چکے ہے انہوں نے ممبئ کے مضافات سے کانگریس امیدوار۔کو شکست دے کر لوک سبھا کی رکنیت حاصل کی ہے وہ پہلے راجیہ سبھا کے رکن تھے۔

رکھشا کھڈسے راویر سے دوسری مرتبہ بی جے پی کی رکن بنی ہے وہ بی جے پی لیڈر ایکناتھ کھڈسے کی بہو ہیں ، پونہ سے تعلق رکھنے والے مرلی دھر ماہول پہلے پونہ کے مئیر رہ چکے ہیں۔وزیراعلی ایکناتھ شندئے کی قیادت والی شیوسینا کے پرتاپ راو جادھو ریاست میں کابینی وزیر تھے اوررام داس اٹھاولے راجیہ سبھا کے رکن ہیں۔

تقریب حلف برداری میں وزیراعلی شندئے فلم اسٹار شاہ رخ خان صنعت کار مکیش  امبانی نائب وزراءاعلی دیوندر فڑنویس،اجیت پوار ، سنیل تٹکرے، نارائن رانے اور دیگر بھی موجود تھے-