قومی

سنگل ونڈو اسکیم کو موثر بنایا جائے گا: اشوک گہلوت

گہلوت نے نئی صنعت لگانے کے بارے میں بنائے گئے ویب پورٹل کا افتتاح کرنے کے بعد نامہ نگاروں کو بتایا کہ ریاست میں جلد ہی نئی صنعتی اسکیم کا اعلان کیا جائے گا اور سنگل ونڈو اسکیم کو موثر بنایا جائے گا۔

تصویر سوشل میڈیا
تصویر سوشل میڈیا

یو این آئی

جےپور: راجستھان کے وزیراعلی اشوک گہلوت نے کہا ہے کہ ریاست میں جلد ہی نئی صنعتی اسکیم کا اعلان کرنے کے ساتھ سنگل ونڈو اسکیم کو موثر بنایا جائے گا۔

گہلوت نے نئی صنعت لگانے کے بارے میں بنائے گئے ویب پورٹل کا افتتاح کرنے کے بعد نامہ نگاروں کو بتایا کہ ریاست میں جلد ہی نئی صنعتی اسکیم کا اعلان کیا جائے گا اور سنگل ونڈو اسکیم کو موثر بنایا جائےگا۔ انہوں نے بتایا کہ سنگل ونڈو اسکیم کا قانون تو بنا دیا گیا، لیکن یہ موثر نہیں رہا۔ انہوں نے کہا کہ چیف سکریٹری ڈی بی گپتا کو اس قانون کو مضبوط بنانے کے لئے دو مہینے میں کارروائی کی ہدایت دی گئی ہے۔

اشوک گہلوت نے کہا کہ مندی کے دور میں بے روزگاری کا مسئلہ ہے، صنعتی دھندے بھی مندی کی زد میں ہیں۔ انہوں نے کہا کہ بے روزگار نوجوانوں کو کاروباری بننے کے لئے آگے آنا چاہیے۔ انہوں نے کہا کہ کاروباریوں کے مطابق ماحول بنانے کے لئے حکومت کوشاں ہے۔

اشوک گہلوت نے کہا ریاست میں سرمایہ تبھی آپائے گا جب قانون کے نظام میں مضبوطی آئے گی اور افسروں اور لیڈروں کا بھی تعاون ملے گا۔ کسانوں کو بھی 10 ایکڑ میں زرعی پروسیسنگ کی بنیاد پر صنعت قائم کرنے کے لئے حکومت کی اجازت لینے کے عمل کو پہلے ہی ختم کیا جاچکا ہے۔اس کے علاوہ کونسل کی بھی تشکیل کی جا رہی ہے۔

صنعتوں کے لئے پانی مہیا کرانے کے بارے میں پوچھے گئے سوال پر گہلوت نے کہا کہ پانی کے لئے افراتفری مچی ہوئی ہے، ہینڈ پمپ اور ٹیوب ویل کھودے جانے سے اس میں تھوڑا فرق پڑا ہے، لیکن مسئلہ ابھی برقرار ہے۔ انہوں نے کہا کہ صنعتوں کے لئے بھی پانی کا انتظام کیا جائےگا۔

گزشتہ بی جےپی حکومت میں رسرجنٹ راجستھان پروگرام کے بارے میں کہا کہ اس طرح کے پروگرام بری طرح ناکام رہے ہیں اور ایک بھی سرمایہ اس میں نہیں آیا۔ گجرات میں بھی ایسے پروگراموں کا حقیقی مقصد پورا نہیں ہوا۔ نئے کاروباریوں کے لئے حکومت کی اجازت نہ لینے کے عمل کے بارے میں گہلوت نے کہا کہ آج اس بارے میں ویب پورٹل کا افتتاح کیا گیا ہے اس میں کاروباری کو ویب پورٹل سے پاوتی سرٹیفکیٹ ملنے کے بعد صنعت کھولنے کا عمل شروع کیا جاسکتا ہے۔ اس میں تین سال تک کاروبار کا جائزہ نہیں لیا جائے گا اور اس کے بعد بھی ضروری عمل پورے کرنے کے لئے چھ مہینے کا وقت اور دیا جائےگا۔