کرناٹک: سبھی 17 باغی اراکین اسمبلی کو سپریم کورٹ نے بھی نااہل ٹھہرایا، لیکن...
سپریم کورٹ کا فیصلہ صادر ہونے کے بعد باغی رکن اسمبلی اے ایس وشوناتھ نے خوشی کا اظہار کیا ہے۔ انھوں نے اس بات پر مسرت ظاہر کی کہ وہ اب ضمنی انتخاب لڑنے کے لیے اہل ہو گئے ہیں۔
سپریم کورٹ نے کرناٹک کے 17 باغی ممبران اسمبلی کو نااہل قرار دیئے جانے والے فیصلے پر بدھ کے روز اپنا موقف ظاہر کیا۔ سپریم کورٹ نے کرناٹک کے اسپیکر رمیش کمار کے فیصلے کو بدھ کے روز جائز ٹھہرایا، لیکن ان سبھی باغی اراکین اسمبلی کو ضمنی انتخابات لڑنے کی اجازت دے دی۔
جسٹس این وی رمن کی صدارت والی سہ رکنی بنچ نے باغی ممبران اسمبلی کی درخواستوں کی سماعت کرتے ہوئے کہا کہ اس وقت اسمبلی اسپیکر کے. رمیش کمار کی طرف سے باغی ممبران اسمبلی کو نااہل ٹھہرانے کا فیصلہ درست تھا۔حالانکہ ساتھ ہی عدالت نے یہ واضح کر دیا کہ پوری مدت کے لئے نااہل ٹھہرانے کا اسپیکر کا فیصلہ مناسب نہیں تھا۔
سپریم کورٹ کا فیصلہ صادر ہونے کے بعد باغی رکن اسمبلی اے ایس وشوناتھ نے خوشی کا اظہار کیا ہے۔ انھوں نے عدالت عظمیٰ کے فیصلے کا احترام کرنے کی بات کہی ہے۔ وشوناتھ نے کہا کہ ہمیں خوش ہونا چاہیے کیونکہ سپریم کورٹ نے ہماری بات سنی اور کافی بہتر فیصلہ سنایا ہے۔ انھوں نے ضمنی الیکشن لڑنے کی اجازت ملنے پر بھی خوشی کا اظہار کیا۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔