سماج وادی پارٹی نے باغی ایم ایل ایز پر کی سخت کارروائی، 3 کو پارٹی سے نکالا باہر

 اتر پردیش میں سماج وادی پارٹی نے اپنے 3 ایم ایل ایز کو پارٹی سے باہر کا راستہ دکھا دیا ہے۔ اس سلسلے میں پارٹی نے آفیشیل بیان جاری کیا ہے۔ سماج وادی پارٹی نے یہ کارروائی ان کے پارٹی مخالف نظریہ اور پارٹی کے اصل مقاصد سے بھٹکنے کی وجہ سے کیا ہے۔ پارٹی نے ابھئے سنگھ، راکیش پرتاپ سنگھ اور منوج کمار پانڈے کو پارٹی سے باہر نکالا ہے۔

سماج وادی پارٹی نے اپنے سوشل میڈیا ’ایکس‘ پر لکھا کہ سماج وادی پارٹی دوستانہ مثبت نظریہ کی سیاست کے برخلاف فرقہ وارانہ، تقسیم والی منفیت اور کسان، خاتون، نوجوان، کاروباری، نوکری پیشہ اور پی ڈی اے مخالف نظریہ کا ساتھ دینے کی وجہ سے  پارٹی کے مفاد میں ان ایم ایل ایز کو پارٹی سے نکال رہی ہے۔

سماج وادی پارٹی کی اس کارروائی سے صاف ہو گیا ہے کہ عوام مخالف لوگوں کے لیے پارٹی میں کوئی جگہ نہیں ہے۔ ایس پی کی طرف سے یہ بھی کہا گیا ہے کہ ان لوگوں کو اپنے اصلاح کے لیے دی گئی مدت اب پوری ہو گئی ہے۔ باقی کی مدت اچھے سلوک کی وجہ سے باقی ہے، سماج وادی پارٹی نے انہیں مستقبل کے لیے دلی نیک تمنائیاں بھی دی ہیں۔

واضح رہے کہ ان ایم ایل ایز کو راجیہ سبھا انتخاب کے وقت بی جے پی کا ساتھ دینے کے لیے بھی پارٹی سے نکالا گیا ہے۔ ایس پی کی طرف سے کہا گیا ہے کہ پارٹی کے بنیادی اصول کی مخالف سرگرمیاں ہمیشہ ناقابل معافی مانی جائیں گی۔ ان ایم ایل ایز نے راجیہ سبھا انتخاب کے دوران کراس ووٹنگ کی تھی۔