سچن پائلٹ نے 2000 کا نوٹ بند ہونے کے بعد نوٹ بندی پر اٹھائے سوال، پوچھا- کالے دھن پر لگام نہیں لگی، پھر کیا تھا مقصد؟

انہوں نے کہا کہ جب نوٹ بندی ہوئی تھی تو کہا گیا تھا کہ کالا دھن ختم ہوگا، بیرون ملک سے کالا دھن واپس آئے گا لیکن ایسا نہیں ہوا، اب 2000 کا نوٹ بند کیا جا رہا لیکن اس کی وجہ کیا ہے؟

سچن پائلٹ، تصویر آئی اے این ایس
سچن پائلٹ، تصویر آئی اے این ایس
user

قومی آوازبیورو

نئی دہلی: آر بی آئی نے 2000 روپے کے نوٹ کو چلن سے نکالنے کا اعلان کیا، جس کے بعد اپوزیشن مسلسل حکومت پر حملہ آور ہے۔ اب راجستھان کے سابق نائب وزیر اعلیٰ سچن پائلٹ نے اس پر سوال اٹھائے ہیں۔

ردعمل ظاہر کرتے ہوئے انہوں نے کہا کہ ملکی معیشت میں زلزلہ لایا جا رہا ہے۔ اس کے ساتھ ہی سچن پائلٹ نے پوچھا کہ ریزرو بینک نے کس منطق پر ان نوٹوں کو روکا ہے؟ اس کی وجہ کیا ہے؟

سچن پائلٹ نے کہا ’’جب نوٹ بندی ہوئی تو کہا گیا کہ کالا دھن ختم ہو جائے گا، بیرون ملک سے پیسہ واپس آئے گا لیکن ایسا نہیں ہوا۔ اب اچانک اطلاع آئی ہے کہ 2000 روپے کے نوٹ پر پابندی لگائی جا رہی ہے لیکن اس کی بنیاد کیا ہے؟ جب اسے متعارف کرایا گیا تو اس کا مقصد کیا تھا اور جب اسے بند کیا جا رہا ہے تو اس کا مقصد کیا ہے؟ کیونکہ لوگوں کو غیر ضروری طور پر پریشان کرنا درست نہیں۔‘‘


حکومت پر نشانہ لگاتے ہوئے سچن پائلٹ نے کہا ’’حکومت اب بھی اسی راستے پر چل رہی ہے جس طرح اس نے پہلے بغیر سوچے سمجھے قدم اٹھائے تھے۔‘‘

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔