ہر روز عصمت دری کے واقعات رونما ہو رہے ہیں اور وزیر اعظم خاموش ہیں: راہل گاندھی

کوزیکوڈ: ملک میں خواتین کے خلاف بڑھتے جرائم پر گہری تشویش ظاہر کرتے ہوئے کانگریس کے سابق صدرراہل گاندھی نے سنیچر کو کہاکہ ہندستان دنیا کی ’ریپ کیپٹل‘ بن گیا ہے۔

راہل گاندھی ان دنوں کیرالہ میں اپنے پارلیمانی حلقہ وائناڈ کے تین دن کے دورہ پر ہیں۔ انہوں نے یہاں عوامی اجلاس سے خطاب کرتے ہوئے کہا کہ ملک میں خواتین کے لئے کوئی سیکورٹی نہیں ہے اور حالیہ دنوں میں خواتین اور لڑکیوں کے خلاف خوفناک جرائم کے معاملات میں اضافہ ہو ا ہے۔

انہوں نے کہا کہ وزیراعظم نریندر مودی خاموشی اختیار کئے ہوئے ہیں اور پورے ملک میں ہر روز کوئی نہ کوئی عصمت دری کا معاملہ سامنے آ رہا ہے۔