مودی حکومت میں ملک کی حالت ’غلام ہندوستان‘ جیسی ہو گئی: کانگریس

رندیپ سرجے والا نے کہا کہ راہل گاندھی کی قیادت میں کانگریس مہاتما گاندھی کی راہ پر چل کر ملک کو معاشی بحران، بینک لوٹ، گھوٹالوں اور بے روزگاری سمیت ہر طرح کی پریشانیوں سے آزاد کرانے کے لیے تیار۔

تصویر سوشل میڈیا
تصویر سوشل میڈیا
user

قومی آوازبیورو

کانگریس ترجمان رندیپ سنگھ سروجے والا نے مہاراشٹر کے ناگپور میں میڈیا سے مخاطب ہوتے ہوئے کہا کہ مودی حکومت اور اس کی پالیسیاں ملک کو تباہی کی طرف لے جا رہی ہیں۔ مرکزی حکومت کو تنقید کا نشانہ بناتے ہوئے انھوں نے کہا کہ ’’ملک آج سماجی، سیاسی اور معاشی بیماری کے دور سے گزر رہا ہے۔ آج ملک کی حالت تقریباً وہی ہے جیسی 71 سال پہلے تھی جب ملک غلامی کی زنجیروں میں قید تھا۔ فرق صرف اتنا ہے کہ اس وقت انگریزی حکومت کے ذریعہ ہندوستانیوں پر ظلم کیا جا رہا تھا اور آج اس کی جگہ بی جے پی نے لے لی ہے۔‘‘

سرجے والا نے وزیر اعظم نریندر مودی کی حکومت میں ہو رہی بدحالی کے خاتمہ کے لیے کانگریس کا برسراقتدار آنا ضروری قرار دیا۔ انھوں نے کہا کہ ’’راہل گاندھی کی قیادت میں کانگریس مہاتما گاندھی کی راہ پر چل کر ملک کو معاشی بحران، کسانوں کے استحصال، بدعنوانی، بینک لوٹ گھوٹالوں اور رافیل کے گھوٹالے بازوں، بے روزگاری، خواتین کا استحصال، دلتوں، پسماندہ پر مظالم اور جمہوریت کو نقصان پہنچانے والی بی جے پی حکومت سے آزادی دلانے کے لیے تیار ہے۔‘‘

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔