راجستھان: پٹرول-ڈیزل کی قیمتوں میں اضافے کے خلاف کانگریس کا احتجاج آج
سچن پائلٹ نے کہا کہ ایک طرف وطن عزیز کورونا اور معاشی بحران سے دوچار ہے، دوسری طرف مودی حکومت اس مشکل وقت میں بار بار پٹرول-ڈیزل کی قیمتوں میں اضافہ کرکے منافع کمانے میں لگی ہے۔
جے پور: آل انڈیا کانگریس کمیٹی کی کال پر راجستھان کانگریس کمیٹی کی ہدایت کے مطابق پیر کے روز ریاست کے تمام اضلاع کے صدر دفاتر پر صبح 10 بجے سے دوپہر 12 بجے تک مرکزی حکومت کے ذریعہ پٹرول اور ڈیزل کی قیمتوں میں مسلسل اضافہ کے خلاف احتجاجی دھرنا دیا جائے گا۔
یہ بھی پڑھیں : دہلی پولیس نے تین خالصتانی دہشت گرد پکڑے
ریاستی کانگریس کے صدر اور نائب وزیر اعلی سچن پائلٹ نے کہا کہ لاک ڈاؤن کے آخری تین ماہ کے دوران مرکز کی بی جے پی حکومت نے لگاتار پٹرول اور ڈیزل کی قیمتوں اور اس پر عائد مرکزی ایکسائز ڈیوٹی میں بے تحاشہ اضافہ کرکے عوام پر بوجھ ڈالنے کا کام کیا ہے، جس سے عوام میں سخت غصہ اور بے چینی پھیل گئي ہے۔ انہوں نے کہا کہ ایک طرف وطن عزیز کورونا کی وبا اور معاشی بحران سے دوچار ہے، دوسری طرف مودی حکومت اس مشکل وقت میں بار بار پٹرول اور ڈیزل کی قیمتوں اور اس پر عائد ایکسائز ڈیوٹی میں اضافہ کرکے منافع کمانے میں لگی ہے۔
انہوں نے کہا کہ اسی سلسلے میں 29 جون یعنی آج جے پور کے کلکٹریٹ سرکل پر ایک دھرنا کا انعقاد کیا جائے گا، جس میں ریاستی کانگریس کے صدر، وزیر اعلیٰ، ریاستی کابینہ کے ممبران، پارٹی ممبران، ممبران اسمبلی، پارٹی کے عہدیداروں، مختلف محکموں کے عہدیداروں اور سینئر کانگریسی لیڈران موجود رہیں گے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔