ائرانڈیا کچھ ماہ اور سرکاری رہےگا، بولی لگانے کی تاریخ میں دو مہینوں کا اضافہ

سرکاری ائر لائن کمپنی ائرانڈیا کے لئے بولی لگانے کی آخری تاریخ دو مہینے بڑھا کر 31 اگست کردی گئی ہے۔

مرکزی حکومت کے محکمہ سرمایہ کاری اور عوامی اثاثہ جات مینجمنٹ کی جانب سے آج جاری تصحیح خط میں کہا گیا ہے کہ کووڈ۔19 کے پیش نظر ائرلائن کے لئے بولی لگانے میں دلچسپی رکھنے والے سرمایہ کاروں کی درخواست پر دلچپسی کے خط جمع کرانے کی آخری تاریخ 30 جون سے بڑھا کر 31 اگست کردی گئی ہے۔ تکنیکی بولی کی بنیاد پر اہل بولی فراہم کرنے والوں کو 14 ستمبر تک مطلع کردیا جائے گا۔

دلچپسی کے خط جمع کرانے کی تاریخ میں تیسری مرتبہ تبدیلی کی گئی ہے۔ اس سال 27 جنوری کو جاری حقیقی ابتدائی اطلاعاتی خط میں 17 مارچ تک بولی کی دعوت دی گئی تھی جس کے بعد اسے بڑھاکر 30 اپریل اور پھر 30 کیا گیا تھا۔

حکومت نے قرض کے بوجھ تلے دبے ائر انڈیا کی صد فیصد حصہ داری فروخت کرنے کے لئے ٹینڈر جاری کیا تھا۔ ساتھ ہی ائر انڈیا کی ائرانڈیا ایکسپریس میں صد فیصد اور ائر انڈیا ایس اے ٹی ایس ائرپورٹ سروسیز میں پچاس فیصد حصہ داری بھی اس بولی کے عمل کے تحت بیچی جارہی ہے۔