کیا ریلوے مزید ٹرینیں چلانے کا منصوبہ بنا رہی ہے؟

ریلوے کی وزارت نے آج ایک بیان میں کہا کہ وہ مزید ٹرینیں چلانے کا منصوبہ بنا رہی ہے اور اس تعلق سے ریاستوں سے تبادلہ خیال کیا جا رہا ہے۔ اگر ریاستوں سے مثبت جواب ملا تو وزارت ریل مزید ٹرینیں چلائے گی۔

علامتی تصویر یو این آئی
علامتی تصویر یو این آئی
user

قومی آوازبیورو

وزارت ریل پر مزید ٹرینیں چلانے کا دباؤ ہے کیونکہ لاک ڈاؤن کے نفاذ کے بعد سے عوام کو ایک جگہ سے دوسری جگہ جانے میں دشواریاں آرہی ہیں۔ لاک ڈاؤن کے نفاذ کے بعد مہاجر مزدوروں کو اپنے گھر واپس جانے میں جو پریشانیاں آئی تھیں اس کے بعد ’شرمک ٹرین‘ کے نام سے کچھ ٹرینیں چلائی گئی تھیں لیکن اب عوام کو ایک جگہ سے دوسری جگہ سفر کرنے میں کافی دقتیں آ رہی ہیں۔

ریلوے کی وزارت نے آج ایک بیان میں کہا کہ وہ مزید ٹرینیں چلانے کا منصوبہ بنا رہی ہے اور اس تعلق سے ریاستوں سے تبادلہ خیال کیا جا رہا ہے۔ اگر ریاستوں کی جانب سے مثبت جواب ملا تو وزارت ریل کچھ اور ٹرینیں چلائے گی۔ واضح رہے ابھی تک 230 اسپیشل ٹرینیں چل رہی ہیں۔


ذرائع کے مطابق نئی خصوصی ٹرینوں کے چلائے جانے کا اعلان اگلے کچھ روز میں ہو جائے گا۔ واضح رہے کووڈ-19 کی وجہ سے ریلوے کی مستقل خدمات معطل ہیں۔ ریلوے کے ترجمان نے بتایا کہ مزید ٹرینیں چلائے جانے کا منصوبہ ہے اور اس تعلق سے ریاستی حکومتوں سے تبادلہ خیال کیا جا رہا ہے۔

کورونا کی وجہ سے ریلوے اور جہاز کی خدمات مار چ کے مہینے میں بند کر دی گئی تھیں لیکن دھیرے دھیرے محدود پیمانے پر یہ خدمات شروع کی جا رہی ہیں۔ بین الاقوامی پروازیں ابھی شروع نہیں کی گئی ہیں اور گھریلو پروازوں میں بھی بہت احتیاط کے ساتھ سفر کی اجازت ہے۔ ایسے ماحول میں جب ہندوستان میں کورونا کے کیسوں میں اضافہ ہو رہا ہے اور دنیا میں سب سے زیادہ کیس رپورٹ ہو رہے ہیں ایسے میں مزید ٹرینوں کو چلانے میں بہت احتیاط برتنے کی ضرورت ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔