’تمل تاریخ و ثقافت کی حفاظت ضروری‘ جلی کٹّو کا لطف اٹھانے کے بعد راہل گاندھی کا بیان

راہل گاندھی نے یہ بیان مدورائی کے اونیاپورم میں دیا جہاں وہ پونگل کے تہوار کے دوران منعقد ہونے والے روایتی کھیل ’جلی کٹّو‘ کا لطف لینے پہنچے تھے۔

تصویر ٹوئٹر
تصویر ٹوئٹر
user

قومی آوازبیورو

چنئی: کانگریس کے سابق صدر راہل گاندھی نے جمعرات کے روز ان لوگوں کو انتباہ دیا جو تمل ثقافت پر تنقید کرتے رہتے ہیں۔ انہوں نے کہا کہ جو لوگ کہتے ہیں کہ تمل کلچر ختم ہو جائے گا، وہ غلط ہیں۔ راہل گاندھی نے یہ بیان مدورائی کے اونیاپورم میں دیا جہاں وہ پونگل کے تہوار کے دوران منعقد ہونے والے روایتی کھیل ’جلی کٹّو‘ کا لطف لینے پہنچے تھے۔

مقامِ تقریب پر ایک مختصر تقریر کے دوران راہل گاندھی نے کہا کہ وہ ان لوگوں کو پیغام دینے آئے ہیں جو کہتے ہیں کہ تمل ثقافت ختم ہو جائے گی۔ انہوں نے کہا کہ تمل ثقافت اور تاریخ کو دیکھنا ایک شاندار تجربہ ہے۔ انہوں نے تقریب کو منظم طریقہ سے منعقد کرنے اور سلامتی کا خیال رکھنے پر جلی کٹو کے منتظمین کو خراج تحسین پیش کیا۔

انہوں نے کہا کہ انہیں تمل ناڈو کے لوگوں سے بہت پیار ملا ہے۔ تمل تاریخ اور ثقافت کی حفاظت کی جائے گی اور وہ اسے جاننے کے لئے آئے ہیں۔ انہوں نے لوگوں کو ’ہیپی پونگل‘ کہہ کر مبارک باد پیش کی۔ راہل گاندھی کے ساتھ تمل ناڈو کانگریس کمیٹی کے صدر کے ایس الاگری اور ڈی ایم کے یوتھ ونگ کے سکریٹری ادے ندھی اسٹالن نے بھی جلی کٹو تقریب کا لطف اٹھایا۔

’تمل تاریخ و ثقافت کی حفاظت ضروری‘ جلی کٹّو کا لطف اٹھانے کے بعد راہل گاندھی کا بیان
’تمل تاریخ و ثقافت کی حفاظت ضروری‘ جلی کٹّو کا لطف اٹھانے کے بعد راہل گاندھی کا بیان
’تمل تاریخ و ثقافت کی حفاظت ضروری‘ جلی کٹّو کا لطف اٹھانے کے بعد راہل گاندھی کا بیان
’تمل تاریخ و ثقافت کی حفاظت ضروری‘ جلی کٹّو کا لطف اٹھانے کے بعد راہل گاندھی کا بیان

راہل-پرینکا نے ملک کے شہریوں کو مکر سنکرانتی کی مبارکباد دی

قبل ازیں، راہل گاندھی اور جنرل سکریٹری پرینکا گاندھی نے مکر سنکرانتی کے موقع پر ملک کے شہریوں کو مبارکباد دیتے ہوئے امید ظاہر کی ہے کہ اپنے حقوق کی لڑائی لڑ رہے کسانوں اور مزدوروں کو انصاف ملے گا۔ راہل گاندھی نے کہا کہ ’’فصلوں کی کٹائی کا وقت خوشی اور جشن کا موقع ہے۔ سبھی کو مکرسنکرانتی ، پونگل، بیہو اور اترائن کی مبارکباد۔ اپنے حقوق کے لئے طاقتور لوگوں کے خلاف لڑ رہے کسانوں اور مزدوروں کے لئے خصوصی دعائیں اور مبارکباد‘‘۔

پرینکا گاندھی نے کہا ’’ملک کے تمام شہریوں کو مکرسنکرانتی، پونگل اور بیہو کی دل کی گہرائیوں سے مبارکباد۔ فصلوں سے منسلک ان تہواروں کے جوش و خروش کے بیچ ایشور سے دعا ہے کہ فصل اگانے والے کسانوں کو انصاف ملے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 14 Jan 2021, 4:40 PM
next