مرکز کورونا مریضوں کے تناسب کی بنیاد پر ریاستوں کو لیکوڈ طبی آکسیجن فراہم کرائے: ریاستی حکومت

جے پور: راجستھان حکومت نے ملک میں میڈیکل آکسیجن اور ریمیڈیسویر کی کمی اور اس سے پیدا ہونے والی صورتحال پر تشویش کا اظہار کرتے ہوئے مرکزی حکومت سے توقع کی کہ وہ قومی پلان کے تحت ریاستوں کومریضوں کی تعداد کے تناسب سے لیکوڈ طبی آکسیجن فراہم کرائے۔

وزیر اعلی اشوک گہلوت کی سربراہی میں وزیر اعلی کی رہائش گاہ پرجمعرات کی رات ہوئی ریاستی کونسل کی میٹنگ میں ریاست میں کورونا انفیکشن کی صورتحال اور اس سے نمٹنے کے لئے ریاستی حکومت کی جانب سے اٹھائے جانے والے اقدامات پر تبادلہ خیال کیا گیا۔

وزرا کی کونسل نے ملک میں طبی آکسیجن اور ریمیڈیسویر کی کمی اور اس سے پیدا ہونے والی صورتحال پر تشویش کا اظہار کیا اور ریاستوں کو ان کا جائز کوٹا الاٹ کرنے پر زور دیا اور کہا کہ ریاست کے لئے الاٹ لکوڈ میڈیکل آکسیجن کی مقررہ مقدار کافی ہم ہے۔ بہت سی ریاستوں میں جہاں کم فعال معاملہ ہے وہاں راجستھان کے مقابلے میں ریمیڈویسویر اور لکوڈ آکسیجن زیادہ الاٹ کی گئی ہے۔