کولکاتا: پی ایم مودی جمعہ کو ’چترنجن نیشنل کینسر انسٹی ٹیوٹ‘ کے دوسرے کیمپس کا افتتاح کریں گے

پی ایم او نے جمعرات کو ٹوئٹ کر کے یہ اطلاع دیتے ہوئے بتایا کہ وزیر اعظم 7 جنوری کو دوپہر ایک بجے ویڈیو کانفرنس کے ذریعے چترنجن نیشنل کینسر انسٹی ٹیوٹ کے دوسرے کیمپس کا افتتاح کریں گے۔

پی ایم مودی، تصویر یو این آئی
پی ایم مودی، تصویر یو این آئی
user

یو این آئی

کولکاتا: وزیر اعظم نریندر مودی جمعہ کو کلکتہ میں چترنجن نیشنل کینسر انسٹی ٹیوٹ (CNCI) کے دوسرے کیمپس کا ورچوئل افتتاح کریں گے۔ وزیر اعظم کے دفتر (پی ایم او) نے جمعرات کو ٹویٹ کر کے یہ اطلاع دیتے ہوئے بتایا کہ وزیر اعظم 7 جنوری کو دوپہر ایک بجے ویڈیو کانفرنس کے ذریعے چترنجن نیشنل کینسر انسٹی ٹیوٹ کے دوسرے کیمپس کا افتتاح کریں گے۔ یہ کمپلیکس 530 کروڑ روپے کی لاگت سے تعمیر کیا گیا ہے۔ اس میں مرکزی حکومت نے تقریباً 400 کروڑ روپے دیے ہیں جبکہ باقی رقم مغربی بنگال حکومت نے خرچ کی ہے۔

پی ایم او نے کہا کہ انسٹی ٹیوٹ کے دوسرے کیمپس کی تعمیر ملک میں صحت کی سہولیات کو بہتر بنانے کے وزیر اعظم کے ویژن کا حصہ ہے۔چترنجن نیشنل میڈکل پر کینسر کے مریضوں کا بہت زیادہ بوجھ تھا اور اس کی توسیع کی ضرورت کچھ عرصے سے محسوس کی جا رہی تھی۔ سی این سی آئی کے نئے کیمپس کی تعمیر سے اس پر بوجھ کم ہو جائے گا۔


واضح رہے کہ اس کمپلیکس کی تعمیر 530 کروڑ روپے کی لاگت سے کی گئی ہے۔ اس میں مرکزی حکومت نے تقریباً 400 کروڑ روپے دیے ہیں جبکہ باقی رقم مغربی بنگال حکومت نے خرچ کی ہے۔ نئے کیمپس میں 460 بستروں پر کینسر یونٹ ہوگا جو جدید ترین سہولیات سے آراستہ ہوگا۔ پی ایم او نے کہا کہ یہ کمپلیکس کینسر کی تحقیق کے لیے ایک جدید ترین مرکز کے طور پر بھی کام کرے گا۔ بنگال کی وزیر اعلیٰ ممتا بنرجی کے بھی افتتاحی پروگرام میں شرکت کا امکان ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔