پنجاب میں پٹرول 10 روپے، ڈیزل 5 روپے فی لیٹر سستا، چنّی حکومت کا فیصلہ

وزیر اعلیٰ چرنجیت سنگھ چنی نے یہاں اپنی صدارت میں منعقدہ کابینی اجلاس کے بعد میڈیا سے خطاب کرتے ہوئے یہ اطلاع دی۔

چرنجیت سنگھ چنّی، تصویر آئی اے این یس
چرنجیت سنگھ چنّی، تصویر آئی اے این یس
user

یو این آئی

چنڈی گڑھ: مرکز اور دیگر پڑوسی ریاستوں کے بعد پنجاب حکومت نے بھی آج پٹرول اور ڈیزل پر ویلیو ایڈیڈ ٹیکس (وی اے ٹی -وَیٹ)میں بالترتیب 10 روپے اور 5 روپے فی لیٹر کم کیے جانے کا اعلان کیا۔ وزیر اعلیٰ چرنجیت سنگھ چنی نے یہاں اپنی صدارت میں منعقدہ کابینی اجلاس کے بعد میڈیا سے خطاب کرتے ہوئے یہ اطلاع دی۔

یہ قیمتیں اتوار کی نصف شب سے نافذ ہوں گی۔ انہوں نے کہا کہ مرکزی حکومت کے فیصلے کے بعد ریاستی حکومت نے عوام کو راحت دینے کا فیصلہ کیا ہے۔ انہوں نے ساتھ ہی یہ بھی کہا کہ مرکزی حکومت نے پٹرول اور ڈیزل پر ایکسائز ڈیوٹی میں تخفیف کی ہے، جس میں سے 42 فیصد ریاستوں کا حصہ ہے۔ مرکز کے اس فیصلے سے ریاستوں کو محصولات (ریونیو) کا زیادہ نقصان ہوگا۔


انہوں نے کہا کہ مرکزی حکومت کو ایکسائز ڈیوٹی کم کیے جانے کے بجائے سرچارج یا ڈیوٹی کو کم کرنا چاہئے جس میں اس نے وقتاً فوقتاً اضافہ کیا ہے۔ انہوں نے دعویٰ کیا کہ پنجاب میں پٹرول شمالی ہندوستان میں سب سے سستا ہوگا۔ اس موقع پر ریاستی وزیر خزانہ من پریت سنگھ بادل نے کہا کہ پٹرول اور ڈیزل کی قیمت کم کیے جانے کو حکومت کی طرف سے ریاست کے عوام کے لیے دیوالی کا تحفہ سمجھنا چاہیے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔