لوگوں نے ایماندارانہ سیاست شروع کرنے کا ارادہ کر لیا ہے: کیجریوال

عام آدمی پارٹی کے قومی کنوینر اور دہلی کے وزیر اعلی اروند کیجریوال نے کہا کہ انتخابات کی تاریخوں کا اعلان کر دیا گیا ہے اور ان کی پارٹی تیار ہے۔

اروند کیجریوال، تصویر یو این آئی
اروند کیجریوال، تصویر یو این آئی
user

یو این آئی

نئی دہلی: الیکشن کمیشن کی طرف سے پانچ ریاستوں میں اسمبلی انتخابات کی تاریخوں کے اعلان کا خیرمقدم کرتے ہوئے عام آدمی پارٹی (عآپ) نے کہا کہ پانچ ریاستوں کے ووٹر انتخابات کے اعلان کا بے صبری سے انتظار کر رہے تھے۔ انہوں نے ایماندارانہ سیاست شروع کرنے کا ارادہ کر لیا ہے۔

عام آدمی پارٹی کے قومی کنوینر اور دہلی کے وزیر اعلی اروند کیجریوال نے بتایا کہ انتخابات کی تاریخوں کا اعلان کر دیا گیا ہے اور ان کی پارٹی تیار ہے۔ پانچ ریاستوں کے ووٹر انتخابات کے اعلان کا بے صبری سے انتظار کر رہے تھے اور انہوں نے ایماندارانہ سیاست شروع کرنے کا ارادہ کر لیا ہے۔


اروند کیجریوال نے کہا کہ عام آدمی پارٹی (عآپ) ہر ایک کو اچھی تعلیم، صحت، بجلی، پانی، سب کو روزگار دینے سمیت سبھی بنیادی ضرورتوں کو پورا کرنے کے عزم کے ساتھ عوام کے درمیان کھڑی ہے۔ انہوں نے بتایا کہ "مجھے یقین ہے کہ اس مرتبہ لوگ اپنے بنیادی مسائل پر ووٹ دیں گے اور ذات پات، مذہب اور تقسیم پر مبنی نفرت کی سیاست کو مسترد کر دیں گے۔"

عام آدمی پارٹی کے سینئر لیڈر اور دہلی کے نائب وزیر اعلیٰ منیش سسودیا نے کہا کہ پانچ ریاستوں کے ووٹر انتخاب کے اعلان کا بے صبری سے انتظار کر رہے تھے کہ جس سیاست نے انہیں دھوکہ دیا تھا، ان کو ہٹا کر ’اب کام کرنے والی اروند کیجریوال کی سیاست‘ کو موقع دیں گے۔ ہمیں یقین ہے کہ ان ریاستوں کے عوام اروِند کیجریوال کی سیاست پر بھروسہ کریں گے اور ان کا پیسہ لوٹنے والی حکومتوں کو ہٹا کر عام آدمی پارٹی کو منتخب کریں گے۔‘‘

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔