کووڈ ضابطوں پرعمل کرتے ہوئے لوگ منا رہے ہیں عیدالاضحیٰ

پورے ہندوستان میں مسلمان کووڈ ضابطوں پر عمل کرتے ہئےعید الا ضحی ٰ کا تہوار انتہائی خوشی اور جوش کے ساتھ منا رہے ہیں ۔لوگوں نے صبح پہلے عید کی نماز ادا کی اور پھر جن پر قربانی واجب ہےانہوں نے اپنی حیثیت کے مطابق جانوروں کی قربانی دی۔

اس موقع پر جہا ں مختلف شخصیات نے مبارکباد پیش کی وہیں صدر جمہوریہ رامناتھ کووند نے عیدالاضحی کے موقع پر اہل وطن کو مبارکباد اور نیک خواہشات دی ہیں۔

مسٹر کووند نے کہا کہ عیدالاضحی کے موقع پر تمام اہل وطن، خاص طورپر ہمارے مسلمان بھائیوں اور بہنوں کو مبارکباد دیتا ہوں اور انکی بہتری کی دعا کرتا ہوں۔

صدر نے کہاکہ عیدالاضحی محبت او رقربانی کے جذبہ کے تئیں احترام کا اظہار کرنے اور ایک جامع معاشرے میں اتحاد اور بھائی چارے کیلئے مل کر کام کرنے کا تہوار ہے۔

مسٹر کووند نے مزید کہا کہ عیدکا تہوار اپنی خوشیوں کو شیئر کرنے کا غریبوں اور بے سہارا لوگوں کو مکمل مدد کرنے کا بھی موقع ہوتا ہے۔ انہوں نے کہاکہ آئیے ہم سب مل کر کووڈ وبا سے بچاو کو اختیار کرتے ہوئے سماج کے ہر طبقہ کی خوشحالی اور بھلائی کے لئے کام کرنے کا عز م کریں۔