کانگریس کے ’آئی این سی ٹی وی‘ نیوز چینل کی باضابطہ طور پر شروعات

وینوگوپال نے کہا کہ کچھ ٹی وی چینل ایسے مسائل پر بات نہیں کرتے جو عوام سے متعلق ہیں۔ اس چینل پر ان مسائل کو ترجیحی طور پر اٹھایا جائے گا اور حکومت پر عوامی مفاد میں کام کرنے کے لیے دباؤ ڈالا جائے گا۔

تصویر یو این آئی
تصویر یو این آئی
user

یو این آئی

نئی دہلی: کانگریس نے یوٹیوب پر اپنے ڈیجیٹل چینل ’آئی این سی ٹی وی‘ کا نشر ہفتے کے روز بہ ضابطہ شروع کر دیا۔ کانگریس کے جنرل سکریٹری کے سی وینوگوپال، جنرل سکریٹری اجے ماکن، خزانچی پون بنسل سمیت کئی دیگر اہم رہنماؤں نے ورچول ذریعے سے چینل لانچ کرتے ہوئے کہا کہ آج کچھ ٹی وی چینل مسائل سے ہٹ کر محض حکومت کی چاپلوسی کر رہے ہیں اور ایسے میں عوام کی آواز بلند کرنے کے مقصد سے پارٹی نے یہ ڈیجیٹل چینل شروع کیا ہے۔

اس موقع پر وینوگوپال، اجے ماکن اور پون بنسل کے علاوہ پارٹی کے ترجمان پون کھیڑا، سوشل میڈیا سیل کے سربراہ روہن گپتا اور یوتھ کانگریس کے صدر شری نیواس بی وی سمیت پارٹی کے کئی رہنما موجود تھے۔ چینل کی شروعات کرتے ہوئے وینوگوپال نے کہا کہ پارٹی اس ڈیجیٹل چینل کے ذریعے لوگوں کی آواز بلند کرے گی اور حکومت کو عوامی مفاد کے مسائل پر فوری طور پر کام کرنے کے لیے دباؤ بنائے گی۔

وینوگوپال کا کہنا تھا کہ آج کچھ ٹی وی چینل ایسے مسائل پر بات نہیں کرتے ہیں جو عوام سے متعلق ہیں۔ اس چینل پر ان مسائل کو ترجیحی طور پر اٹھایا جائے گا اور حکومت پر عوامی مفاد میں کام کرنے کے لیے دباؤ ڈالا جائے گا۔ پون بنسل نے کہا کہ چینل پر ان مسائل کو اٹھایا جائے گا‘ جنھیں حکومت اور اس کے لیے کام کرنے والے چینل اہمیت نہیں دیتے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔