اب ناگالینڈ بی جے پی کی مشکلیں بڑھیں، پارٹی کے اندر پھوٹ ظاہر

کوہیما: ناگالینڈ بھارتیہ جنتا پارٹی (بی جے پی) کے صدر تیمجن ایماالونگ کو ہٹانے کے مطالبے سے پارٹی کے اندر پھوٹ پڑنے کے آثار دکھ رہے ہیں۔ ریاست میں بی جے پی کی خواتین یونٹ بھارتیہ جنتا مہیلا مورچہ (بی جے ایم ایم) کے رہنماؤں اور نو ضلعی صدور نے الونگ کو ان کے عہدے سے ہٹانے کا مطالبہ کیا ہے۔ یہاں جاری مشترکہ بیان کے مطابق توئی اسمبلی حلقہ کے پارٹی صدر رین پونتھونگ نگولی، ووکھا اسمبلی حلقہ کے صدر یوپونگ تھونگ اجنگ اور سینس حلقہ کے صدر نپومو نگولی نے ان نو ضلعی صدور سے اپنے عہدے سے استعفی دینے کے فیصلے پر غور کرنے کی اپیل کی ہے۔

بیان میں کہا گیا ہے کہ ضلعی صدور کے استعفیٰ سے موجودہ سطح پر پارٹی کی پوزیشن ہر سطح پر کمزور ہوجائے گی۔ اس میں کہا گیا ہے کہ موجودہ وقت میں اس استعفے سے پارٹی کو بہت نقصان ہوگا۔ بیان میں یہ بھی کہا گیا ہے کہ اب وقت آ گیا ہے کہ متحد ہو کر آئندہ 2023 کے اسمبلی انتخابات کے لئے کام شروع کریں ،یہ وقت پارٹی کے اندر پھوٹ ڈالنے کا نہیں ہے۔