دنیا کی کوئی بھی طاقت رام مندر تعمیر سے نہیں روک سکتی: کیشو پرساد

سدھارتھنگر: اترپردیش کے نائب ویزر اعلی کیشو پرساد موریہ نے ایودھیا میں رام مندر تعمیر کےعزم کا اظہارکرتے ہوئے کہا کہ دنیا کی کوئی بھی طاقت اس کی تعمیر سے نہیں روک سکتی۔

پارٹی کے ریاستی جنرل سکریٹری سنیل بنسل کے ساتھ کارکنوں کے پروگرام کو خطاب کرتے ہوئے موریہ نے کہا کہ یہ معاملہ عدالت میں ہونے کی وجہ سے اس کی تعمیر کی تاریخ نہیں بتائی جا سکتی۔ انہوں نے کہا کہ اس کے لئے آرڈیننس لانے کے وقت کا انتظار کرنا ہوگا۔

کیشو موریہ نے دعوی کیا کہ آنے واے عام انتخابات میں پارٹی 2014 سے بھی بڑی جیت حاصل کر نے جارہی ہے۔ انہوں نے راہل گاندھی پر سخت حملہ کرتے ہوئے کہا کہ راہل گاندھی کے بس کا کچھ نہیں ہے اور وہ شیوبھکت بن کر اور جنیو پہن کر ملک کے عوام کو گمراہ کر رہے ہیں۔

نائب وزیراعلی نے کہا کہ بی جے پی کی مخالفت کے نام پر سماج وادی پارٹی، بہوجن سماج وادی پارٹی اور کانگریس کچھ بھی بولتے رہیں لیکن حقیقت یہ ہے کہ ان پارٹیوں کے پاس ملک کے لئے کوئی بھی اسکیم نہیں ہے اور نہ ہی بی جے پی کی مخالفت کے لئے ان کے پاس کوئی ایجنڈا ہے۔