این آئی اے نے ایم ایل اے کے قتل کیس میں ملزم نکسلیوں کی فہرست جاری کی

جگدل پور: چھتیس گڑھ میں گزشتہ لوک سبھا الیکشن کے دوران نکسلیوں کے ذریعہ بارودی سرنگ کے دھماکے سے بی جے پی کے رکن اسمبلی بھیما منڈاوی اوراس کے محافظوں کی موت کے معاملے میں قومی تحقیقاتی ایجنسی (این آئی اے) نے ایک درجن سے زیادہ مطلوب نکسلیوں کی فہرست جاری کردی ہے۔

ذرائع کے مطابق گزشتہ لوک سبھا انتخابات کی تشہیرکے دوران 9 اپریل کو نکسلیوں کی بارودی سرنگ کے دھماکے سے بی جے پی کے رکن اسمبلی بھیما منڈاوی اور اس کے تین محافظ ہلاک ہوگئے تھے۔ اس معاملے میں این آئی اے نے 20 مطلوبہ نکسلیوں کی فہرست جاری کر دی ہے۔ این آئی اے کی فہرست میں گنیش اوئیکے، ماڑوی ہڑما، بسوراج سمیت کئی درجن خوفناک نکسل کمانڈروں کے نام شامل ہیں۔ این آئی اے نے ان لوگوں پر زیادہ سے زیادہ سات لاکھ کے انعام کا اعلان کیا ہے۔ ان کی فہرست دینے والوں کو بھی مناسب انعام دینے اور ان کا نام خفیہ رکھنے کا اعلان کیا گیا ہے۔

اب تک کی تحقیقات کے بعد پانچ لوگوں کو گرفتار کیا گیا ہے، جس میں بیشتر ایسے دیہی باشندے ہیں جن پر نکسلیوں کو سامان مہیا کرنے جیسے الزام ہیں۔ این آئی اے کی جاری کردہ فہرست میں نکسلیوں کے بٹالین کے کمانڈر ونود، جگدیش کے علاوہ ماڑوی دیوے، مانڈوی لنگا، کہرام سنیتا، نمبالا کیشو راؤ، بھوپتی عرف سونو، دیوجی، میڈیم سریش، سائیناتھ، جئےلال منڈاوی، لنگے مڑکام، ماڑوی ماسا، کوسا، اُمیش ہیملا، کٹّم سدرشن، چیتو، بارسے جوگا شامل ہیں۔