دہلی میں القاعدہ سے منسلک دہشت گرد گرفتار

نئی دہلی، 10 اگست (یواین آئی) دہلی پولیس نے نیپال فرار ہونے کی کوشش کر رہے دہشت گرد تنظیم القاعدہ سے منسلک ایک دہشت گرد کو گرفتار کیا ہے۔ پولیس نے آج بتایا کہ دہشت گرد رضا الاحمد جعلی نوٹ کے ریکیٹ میں ملوث تھا اور القاعدہ سے منسلک بنگلہ دیشی دہشت گرد تنظیم انصار بنگلہ کا رکن ہے۔ اسے مغربی بنگال پولیس کے حوالے کر دیا گیا ہے۔ پولیس نے احمد کے خلاف مقدمہ درج کرلیا ہے۔ پولیس نے اس سلسلے میں تفصیلات مہیا نہیں کرائی ہے۔