نیپال میں دوردرشن کو چھوڑکر سبھی ہندوستانی نیوز چینل کے ٹیلی کاسٹ پر فوری اثر سے پابندی

خبروں کے مطابق نیپال کے کیبل ٹی وی پروڈیوسرس نے دور درشن کوچھوڑکر تمام ہندوستان کے نیوز چینلوں کے ٹیلی کاسٹ کو اپنے یہاں بند کردیا ہے ۔نیوز ایجنسی اےاین آئی نے یہ اطلاع دی ہے۔ واضح رہےاس تعلق سے کوئی سرکاری آرڈر جاری نہیں کیا گیا ہے۔

ہندوستان اورنیپال کے اچانک تعلقات بہت خراب ہوگئے ہیں اورحال ہی میں نیپال کی کابینہ اور پارلیمنٹ نے ایک متنازعہ نقشہ پاس کیا ہے جس میں ہندوستان کے علاقوں کو نیپال کاحصہ دکھانےکی کوشش کی گئی ہے۔اے این آئی نے میگا میکس ٹی وی کے دھروبا شرماکو کوٹ کیا ہے جس میں شرما کہہ رہے ہیں ’’شام سے ہم نے ہندوستانی چینلوں کے سگنل بند کر دئے ہیں۔‘‘

نیوز۱۸ کی خبر کے مطابق اس سے قبل نیپال کے نائب وزیر اعظم اور حکمراں نیپالی کمیونسٹ پارٹی کے ترجمان نارائن کاجی شریشٹھا نے بیان دیاتھا کہ ’’نیپالی حکومت اور ہمارے وزیر اعظم کے خلاف بے بنیاد پروپیگنڈا ہندوستانی ذرائع ابلاغ میں ہورہاہےاوریہ رکناچاہئے۔‘‘

دوسری جانب نیپالی میڈیا بھی یہ تاثر دینے کی کوشش کر رہی ہے کہ ’’تمام حدیں پار ہو گئی ہیں ، یہ بہت زیادہ ہو رہا ہے ،اس کو رکنا چاہئے۔‘‘

ادھر نیپالی وزیر اعظم کے پی شرما اولی کے مشیر بشنو رمل کا کہنا ہے کہ’’نیپال کےوزیر اعظم کے خلاف ہندوتانی میڈیا میں جو بیاناتا اور اسٹوری آ رہی ہیں وہ انتہائی قابل اعتراض ہیں۔‘‘ نیپال کا رویہ صاف ظاہر کر رہاہےکہ وہ اپنی نہیں بلکہ چین کی بولی بول رہا ہےکیونکہ ہندوستانی میڈیا میں نیپال کے خلاف کوئی قابلاعتراض رپورٹنگ نہیں ہے لیکن چین کے خلاف ملک میں ماحول ہے۔