کشمیر: نوجوان کی ہلاکت اور نصراللہ پور میں توڑ پھوڑ جیسے واقعات ناقابل قبول
پولیس، سیکورٹی فورسز اور حکومت پر زور دیا کہ وہ اس بات کو یقینی بنائے کی اس قسم کے واقعات دوبارہ نہ رونما ہوں۔
نیشنل کانفرنس وسطی زون صدر علی محمد ڈار نے وسطی ضلع بڈگام کے نارہ بل میں نوجوان کی ہلاکت اور نصراللہ پور میں سکیورٹی فورسز کی طرف سے توڑ پھوڑ کے واقعات کی شدید الفاظ میں مذمت کی اور دونوں واقعات کی اعلیٰ سطحی تحقیقات کا مطالبہ کیا ہے۔
دونوں واقعات کو ناقابل قبول قرار دیتے ہوئے پارٹی لیڈر نے کہا کہ دونوں واقعات کے اصل حقائق کو عوام کے سامنے لایا جانا چاہئے اور خاطیوں کو قرار واقعی سزا دی جانی چاہئے۔
انہوں نے مطالبہ کیا کہ نصراللہ پورہ میں توڑ پھوڑ سے ہوئے نقصان کا بھی تخمینہ لگا کر متاثرین کے نقصان کی بھرپائی کی جانی چاہئے۔
انہوں نے پولیس، سیکورٹی فورسز اور حکومت پر زور دیا کہ وہ اس بات کو یقینی بنائے کی اس قسم کے واقعات دوبارہ نہ رونما ہوں۔
پارٹی کے سینئر لیڈران پروفیسر عبدالمجید متو، محمد ابراہیم میر اور ڈاکٹر محمد شفیع نے بھی نارہ بل میں معصوم نوجوان کی ہلاکت کی شدید الفاظ میں مذمت کی اور واقعہ کی تحقیقات کا مطالبہ کیا ہے۔ انہوں نے مہلوک نوجوانوں کے لواحقین خصوصاً والدین کے ساتھ بھی اظہار یکجہتی کیا۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔