سڑک پر تھوکنے کے خلاف فتوی جاری، علماء کی انوکھی پہل

عالمی وبا کورونا وائرس کی روک تھام کے لئے مسلم علماء نے انوکھی پہل کرتے ہوئے عوامی مقامات پر تھوکنے سے روک لگانے والا فتویٰ جاری کیا ہے۔

تھوک سے ہونے والی بیماریوں سے متعلق لوگوں کو بیدا رکرنے کے مقصد سے ایک مہم کے تحت مدرسہ جامعہ نعیمیہ میں دارالافتا کے مفتی سے فتوی لیا گیا اور فتوی میں تحریر ہے کہ سڑکوں پر تھوکنا خراب عمل ہے۔ مدرسہ سے فتوی لینے والے ڈاکٹر جاوید کا خیال ہے کہ لوگ علماء کی بات مانتے ہیں، عمل کرتے ہیں اس لئے فتوی جاری کیا گیا ہے۔

دراصل سڑکوں پر تھوکنا کورونا کے دور میں انفیکشن پھیلانے جیسا ہے، ڈاکٹر جاوید کا خیال ہے کہ سڑکوں پر ادھر ادھر تھوکنا نہ صرف برا ہے بلکہ سنگین بیماریوں کو بھی دعوت دینا ہے اور کورونا کے دور میں عوامی مقامات پر تھوکنا جرم کے زمرہ میں آتا ہے، باوجواد اس کے لوگ باز نہیں آرہے ہیں۔ پیدل ہی نہیں بلکہ بائک اور کار سے آتے جاتے بھی عوامی مقامات، سڑکوں وغیرہ پر تھوک رہے ہیں۔ ایسے لوگوں کو روکنے کے لئے علما ءنے یہ انوکھی پہل کی ہے۔

انہوں نے اعتماد ظاہر کیا کہ لوگ یقیناً اس کا مطلب سمجھیں گے۔ اس بیداری مہم کے لئے مجموعی طورپر پچاس لوگوں کی ایک ٹیم بنائی گئی ہے۔