ریلائنس رٹیل میں سرمایہ کار ی کی بوچھار، ابوظہبی انویسٹمنٹ نے بھی کی سرمیہ کاری

مکیش امبانی کی خردہ کاروبار کرنے والی ریلائنس ریٹیل وینچرس لمیٹڈ (آر آئی وی ایل) میں سرمایہ کاروں کی بوچھار ہورہی ہے اور ابو ظبہی انویسٹمنٹ اتھارٹی (اے ڈی آئی اے) نے منگل کو 1.20فیصد اکویٹی کے لئے 5,512.50کروڑ روپے کی سرمایہ کاری کا اعلان کیا۔

آر آر وی ایل میں سرمایہ کاری کی یہ آٹھویں تجویز ہے۔ اے ڈی آئی اے کی سرمایہ کاری آر آر وی ایل کی 4.285لاکھ کروڑ روپے کی پری منی اکویٹی ویلیو پر ہوئی ہے۔

اے ڈی آئی اے کی سرمایہ کاری کے ساتھ آر آر وی ایل میں ایک مہینہ کے اندر سات سرمایہ کاروں کی سرمایہ کاری کی آٹھ تجویز وں سے 8.48فیصد کے لئے 37,710کروڑ روپے کا انویسٹمنٹ آچکا ہے۔ آر آر وی ایل کے عالمی سرمایہ کاروں میں سلور لیک، کے کے آر، جنرل اٹلانٹک، مبادلہ، جی آئی سی اور ٹی پی جی شامل ہیں۔ سلور لیک کی طرف سے سرمایہ کاری کی دو تجویزیں ہیں۔

ریلائنس انڈسٹریز کے چیرمین اور منیجنگ ڈائرکٹر مکیش امبانی نے اے ڈی آئی اے کی سرمایہ کاری پر کہا کہ ہم ابوظہبی کی کمپنی کی موجودہ سرمایہ کاری اور مسلسل ساتھ دینے سے خوش ہیں اور اس کے چار دہائیوں کے عالمی مضبوط ٹریک ریکارڈ سے آر آر وی ایل کو فائدہ کی امید کرتے ہیں۔ اے ڈی آئی اے کی یہ سرمایہ کاری ریلائنس انڈسٹریز کی مضبوطی اور امکانات کے ساتھ کاروبار کے شعبہ میں جامع تبدیلی کی پہل کو پیش کرتی ہے۔

اے ڈی آئی اے کے ایکزیکیوٹیو ڈائرکٹر حماد شاہوان الدہا ہیری نے کہاکہ آر آر وی ایل ہندستان کے خردہ بازار میں تیزی کے ساتھ ابھرا ہے اور جسمانی او ر ڈیجیٹل سپلائی کی چین میں مضبو ط پہچان بنائی ہے۔ کمپنی نے ممکنہ اضافہ کے راستے پر مضبوطی کے ساتھ قدم آگے بڑھا دیئے ہیں۔

ریلائنس رٹیل لمیٹڈ کے پورے ملک میں پھیلے 12ہزار سے زیادہ اسٹورس میں سالانہ تقریباً 64کروڑ خریدار آتے ہیں۔ یہ ہندستان کا سب سے بڑا اور سب سے تیزی سے ترقی کرنے والا ریٹیل کاروبار ہے۔ریلائنس ریٹیل کے پاس ملک کے سب سے فائدہ مند ریٹیل بزنس تمغہ بھی ہے۔کمپنی ریٹیل ورلڈ اور گھریلو کمپنیوں، چھوٹی صنعتوں، خردہ کاروباریوں اور کسانوں کایک ایسا نظام تیار کرنا چاہتی ہے جس سے صارفین کو کفایتی قیمت پر سروس فراہم کی جاسکے اور لاکھوں روزگار کے مواقع پیدا کئے جاسکیں۔