متھرا: یوگنڈا سے آیا شخص کورونا سے متاثر، کل معاملوں کی تعداد 17 ہوئی

ریپڈ رسپانس ٹیم کے انچارج ڈاکٹر بھودیو سنگھ نے بتایا کہ بدھ کی رپورٹ کے مطابق متھرا میں اب کووڈ- 19 انفیکشن سے متاثر لوگوں کی کل تعداد 17 ہوگئی ہے۔

کورونا وائرس، تصویر یو این آئی
کورونا وائرس، تصویر یو این آئی
user

یو این آئی

متھرا: اترپردیش کے شہر متھرا میں کورونا وائرس کے چھ اور متاثر مریض ملے ہیں۔ ان میں ایک شخص یوگانڈا سے آیا ہے۔ ریپڈ رسپانس ٹیم کے انچارج ڈاکٹر بھودیو سنگھ نے بتایا کہ بدھ کی رپورٹ کے مطابق متھرا میں اب کووڈ- 19 انفیکشن سے متاثر لوگوں کی کل تعداد 17 ہوگئی ہے۔ چھ نئے مریضوں میں سے 52 سالہ امیت ایک ہفتہ قبل یوگنڈا سے آیا تھا۔

اس کے علاوہ بھینس بہورا کے رہنے والے 21 سالہ نوجوان سچن اور 13 سالہ کشور اتھروا رینڈم سیمپلنگ لینے میں متاثر پائے گئے ہیں۔ اس کے علاوہ، 38 سالہ امیت پاٹھک اور 32 سالہ دیپیکا چترویدی دو ماہ قبل سنگاپور سے آئے تھے اور چبیا پاڈا میں رہ رہے تھے۔ جب اس نے سنگاپور واپس جاتے ہوئے اپنا ٹیسٹ کروایا تو وہ کووڈ-19 سے متاثر پایا گیا۔


رادھا پورم ریاست گووردھن چوراہے کا رہنے والا 54 سالہ سندیپ اگروال بھی رینڈم سیمپلنگ لینے میں کورونا وائرس سے متاثر پایا گیا ہے۔ ڈاکٹر بھودیو سنگھ نے کہا کہ متاثرہ افراد کے نمونے جینوم سیکونسنگ کے لیے بھیجے گئے ہیں۔ جن علاقوں میں متاثرہ افراد پائے گئے ہیں انہیں کنٹین منٹ زون بنا دیا گیا ہے اور تمام متاثرہ افراد کو گھروں میں قرنطینہ کر دیا گیا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔